LUKA 7:16 - Biblia Ilagho Jiboie Kwa Wandu Wose

¹⁶ Wikangilwa ni wowa wose wikamkasa Mlungu wikighamba, “Mlodi m'baa wawuka aghadi kodu!” sena “Mlungu wawivikia wandu wake.”

LUKA 7:16 ပူးပေါင်းရင်းမြစ်များ

ZABURI 65:9

Kwadaizighana ndoe na kuinyeshera vua, kukiiwurusha nandighi; kwaichura meda machi, na huwo niko kubonyere, na kuwipatira wandu viro.

KUFUMA 4:31

Wandu wikarumiria; nawo iji wasikira wei BWANA wawichea wandu wa Israeli na angu wamerie kuwona seji wawuyakorongwa, wikaghoghomesha vongo vawo na kutasa.

JEREMIA 33:9

Na muzi ughu ghuchaniredia kuboilwa, na makaso, na wubaa, imbiri ya mbari rose ra ndoenyi iro richaasikira malagho gha agho mecha ghose nichaawibonyera; nawo wichaobua na kusughusika kwa wundu ghwa kuwona uko kuboa na agho mecha ghose nichaghubonyera ughu muzi.”

MATHAYO 15:31

Wandu wose wikashinika iji wammbona uja kituri ukideda, watighini wikighenda, na wakelemeri waboiswa; wikamkasa Mlungu wa Israeli.

MATHAYO 21:11

Wandu wiko izungunyi wikatumbulia, “Uhu ni uja mlodi Jesu ufumie Nazareti muzi ghwa Galilaya.”

MATHAYO 28:8

Niko wikafuma aho kaburinyi shwa-shwa, wikiobua na kuboilwa, wikaghenda na kuwighoria wanughi wake.

MATHAYO 9:8

Wandu wose izungunyi iji waghiwona agho, wikaobua na kumkasa Mlungu uo orewinekieghe wadamu iro nguma.

LUKA 1:65

Wambao wose wikangilwa ni wowa. Na malagho ghikaereshwa andu kose chughongonyi ra Judea;

LUKA 1:68

“Ndekaso Bwana Mlungu wa Israeli, angu wawivikia wandu wake na kuwikombua.

LUKA 19:44

Nawo wichakutotesha putu, andwamweri na wana wako wiko andenyi ya wurigha ghwako; ndewichaasighara igho hata jimweri jiseinjiro andu kwaro, kwa kukaia ndekoremanyireghe ngelo Mlungu orechieghe kukukira anduangi.”

LUKA 2:20

Na walisha wikawuya wikimkasa Mlungu kwa agho ghose wereghisikireghe na kughiwona sa iji koni wereghoreloghe.

LUKA 24:19

Ukawikotia, “Malaghoki?” Wikatumbulia, “Malagho ghimpatire Jesu wa Nazareti. Mundu uhu orekoghe mlodi m'baa uko na kudima kwa kubonya na kufundisha imbiri ya Mlungu na imbiri ya wandu wose;

LUKA 5:26

Na wose wikashinika wikamkasa Mlungu wikiobua na kughamba, “Idime, dawona maza ra mashiniko.”

LUKA 5:8

Ela iji Simoni Petro orewonieghe agho, ukamdungia Jesu ngokoro ukighamba, “Kaia kula nani, angu ne mundu wa kaung'a ee Bwana.”

LUKA 7:15

Nao uo orekoghe ufue, ukawuka ukazoya kudeda. Na Jesu ukamneka mae.

LUKA 7:39

Uja Mfarisayo oremkaribishireghe uendawona huwo, ukaghamba ngolonyi kwake, “Ngera loli mundu uhu odeeka mlodi, kumangu wamanya uhu nani, na ni muka ufwane wada uhu ummbwadagha angu uo ni mkaung'a.”

LUKA 8:37

Nao waisanga wose wa Gerasinyi, wikamlomba ufume mzawo; angu werengiriloghe ni wowa m'baa. Jesu ukangia mashuonyi ukawuya.

LUKA 9:19

Wikamtumbulia, “Wamu waghamba ko Johane M'baputizi, na wamu Elija, na wazima wei ko umu wa walodi wa kala urukie kufuma kwa wafu.”

JOHANE 1:21

Nawo wikamkotia, “Da koko ani? Oho ko Elija?” Johane ukawitumbulia, “Ini suo ungi.” Wikamkotia, “Oho ni uja mlodi?” Ukaghamba, “Hata.”

JOHANE 1:25

Wikamkotia Johane, “Ikakaia oho kuseko Kristo angu Elija, angu uja mlodi-lee, kwaki sena kubaputizagha?”

JOHANE 4:19

Uja muka ukamzera, “Bwana, nawona angu oho ko mlodi.

JOHANE 6:14

Waja wandu wiendawona uo mwakilimbiti orebonyekieghe wikaghamba, “Kwa loli uhu nuo uja Mlodi uchagha wurumwengunyi.”

JOHANE 9:17

Wikamkotia uja mundu sena, “Oho kughora wada aighu yake angu ukutambuye meso?” Ukawitumbulia, “Uo ni mlodi.”

MABONYO GHA WADUMI 5:5

Nao iji Anania wasikira malagho agho, ukaghwa andonyi ukafwa; na wandu wose weresikireghe ilagho ijo, wikangilwa ni wowa m'baa.

MABONYO GHA WADUMI 7:37

Uo Musa nuo moni orewizerieghe Waisraeli, ‘Mlungu uchammbusiria mlodi kufuma aghadi ya wanyinyu sa ini.’

WAGALATIA 1:24

Nawo wikamkasa Mlungu kwa wundu ghwapo.

WUKUMBUSO 18:15

BWANA Mlungu onyu uchammbusiria mlodi ufumagha aghadi ya wanyinyu uko sa ini; mumsikire.