LUKA 6:7 - Biblia Ilagho Jiboie Kwa Wandu Wose

⁷ Na walimu wa Sharia na Mafarisayo werekoghe wikimlangaria ngera uboisa ituku ja Sabato, wipate shekeria emshitakia.

LUKA 6:7 ပူးပေါင်းရင်းမြစ်များ

ZABURI 38:12

Wandu wilolagha kunibwagha wanideghia midegho; awo wilolagha kunishoghonua waja malagho gheninona; nawo wasinda wikinibonyera mipango izamie.

ISAYA 29:21

Mlungu uchawitotesha awo wandu wiwighushagha wambao kwa kuwizighiria, awo wiwideghiagha shaghala wandu wikemiagha wuwiwi; uchawitotesha awo wandu wiwilaghashagha wandu wa loli na malagho maduu.

JEREMIA 20:10

Kwa kukaia nasikira wandu wengi wikihohoria, “Kiture changia kula andu! Nndokonyi dimghore kwa wabaa, nndokonyi dimghore!” Waghenyi wapo wa ngolonyi waghamba wikiweseria kughwa kwapo, “Kewada uchakalilwa nesi dichamsima, dipate kulipa kisasi aighu yake.”

MATHAYO 5:39

Ela ini namzera, kusakemlipia uo mundu ukukoseragha. Mundu ukakukaba na lui idumbu jako ja kiwomi, kumghalusire ijo ja kawi wori.

MARKO 3:2

Na wandu wamu wikamzighanira ngera um'boisa ituku ja Sabato, eri wipate kumshitakia.

LUKA 13:14

Ela uja m'baa wa sunagogi ukajokwa ni machu angu Jesu oreboisireghe ituku ja Sabato ukawizera wandu, “Gheko matuku arandadu ghebonya kazi; choonyi m'boiso agho matuku, ela ituku ja Sabato mbai.”

LUKA 20:20

Kwa huwu wikakaia wikilola ngelo ifwane, wikammbikia washeki wemzighanira, wikubonyagha weni kukaia waloli kwa Jesu, wipate ilagho jingi kwake jemshitakia kwa wabaa wa serikali.

JOHANE 9:16

Mafarisayo wamu wikaghamba, “Mundu uhu nderefumieghe kwa Mlungu kungi, angu useiwadagha sharia ya Sabato.” Ela wazima wikaghamba, “Mkaung'a udima wada kubonya awa weke mwakilimbiti?” Nao kukakaia na mawaghanyiko aghadi kwawo.