LUKA 6:6 - Biblia Ilagho Jiboie Kwa Wandu Wose

⁶ Nao ituku izima ja Sabato, ukangia andenyi ya sunagogi; ukafundisha. Ahoeni korekoghe na mndumu, mkonu ghwake ghwa kiwomi ghukelemere.

LUKA 6:6 ပူးပေါင်းရင်းမြစ်များ

1 WAZURI 13:4

Mzuri uendasikira agho malagho gha mlodi, ukamloda ukighamba, “Mmbwadenyi uo mundu.” Nao mkonu ghwake ghukakelemia, ukalemwa ni kughukucha.

ZEKARIA 11:17

Ni bugha kwa uja mlisha wapo wa kisha! Wachisighie chagha. Wuda ghucharimeria ndighi rake putu. Mkonu ghwake ghuchaoma na iriso jake ja kiwomi jichafwa.”

MATHAYO 4:23

Nao Jesu ukaghenda Galilaya kose ukifundisha andenyi ya sunagogi rawo, ukichila Ilagho Jiboie ja Wuzuri ghwa Mlungu. Ukaboisa kula mbari ya makongo na saka rerekoghe kwa wandu.

LUKA 13:10

Ituku jimu ja Sabato, Jesu orekoghe ukifundisha andenyi ya sunagogi imu.

LUKA 14:3

na Jesu ukaghora na walimu wa Sharia na Mafarisayo ukighamba, “Welee, Sharia edu yarumiriagha kuboisa ituku ja Sabato anguwada?”

LUKA 4:16

Nao ukacha Nazareti andu oreleleloghe, ukangia sunagoginyi ituku ja Sabato karakara na mzango ghwake.

LUKA 4:31

Nao ukasea cha Kafarnaumu muzi ghwa Galilaya. Nao orekoghe ukiwifundisha ituku ja Sabato;

LUKA 6:1

Nao iji orekoghe ukighenda ituku ja Sabato, ukaidiria aghadi ya mbuwa ya ngano; wanughi wake wikadema vanga, wikavizira na kuja.

LUKA 6:5

Niko ukawizera, “Mwana wa Mdamu nuo Bwana wa Sabato.”

JOHANE 5:3

Andenyi ya malalo agho, korekoghe na wakongo wengi werelalieghe; vitungure, wakelemeri, na wa kupooza. [Wikiweseria machi kunyavurwa,

JOHANE 9:16

Mafarisayo wamu wikaghamba, “Mundu uhu nderefumieghe kwa Mlungu kungi, angu useiwadagha sharia ya Sabato.” Ela wazima wikaghamba, “Mkaung'a udima wada kubonya awa weke mwakilimbiti?” Nao kukakaia na mawaghanyiko aghadi kwawo.