LUKA 6:49 - Biblia Ilagho Jiboie Kwa Wandu Wose

⁴⁹ Ela uo usikiragha malagho ghapo, nao ndebonyagha anduangi, wafwanana na mundu oreaghieghe nyumba yake andoenyi, kuseko na msingi ghungi; na ghuja moda ghukasalama na kuikaba ija nyumba, ikaghwa andonyi; na kunoneka kwaro, kukakaia kubaa.”

LUKA 6:49 ပူးပေါင်းရင်းမြစ်များ

MAKATANISHO 28:18

U mundu ughendagha nicha uchakirwa, ela uo ulagharie kwa chia rake uchawuduka kinenyi.

EZEKIELI 33:31

Nawo wadaacha kwako sa ngelo rose, na kusea kidombo imbiri kwako sa wandu wapo, na kusikira agho kughoragha, ela ndewibonyagha sa iji wazerwa; kwa kukaia wawonyera lukundo kwa memu yawo, ela ngolo rawo rianugha fwaida rawo.

HOSEA 4:14

Ela sichaawikaba wai wenyu iji wawuya malaya, hata waka wa wana wenyu iji walaka; kwa kukaia inyo mmbeni mwaawuyaghenda na malaya gha Hekalu na kufunya vizongona chia imweri nawo. Sa iji mfwano ghoghoragha, ‘Wandu wisewadie kumanya wichatota.’

MATHAYO 23:3

kwa huwo agho ghose wimzeragha, ghiwadenyi na kughibonya, ela msakebonya seji wibonyagha; angu awo wadaghora ela ndewibonyagha anduangi.

MATHAYO 24:10

Aho wengi wichawuya nyuma, wikifunyana na kuzamiana weni na weni.

MARKO 4:17

ela ndewina miri ingi andenyi kwawo, wakaia kwa ngelo ndini. Konyuma, kukacha kutirirwa angu kusumbulwa kwa wundu ghwa ilagho ijo, ahoeni wadajisigha.

LUKA 12:47

na uja mdumiki orelumanyireghe lukundo lwa bwana wake, nao nderekuwikieghe moni nicha angu kulubonya lukundo lwa bwana wake, uchakabwa na ndighi.

LUKA 19:14

Ela waisanga wake ndeweremkundeghe, nawo wikamdumia wandu wikighamba, ‘Ndedikunde uhu mundu udibonyere nguma.’

LUKA 19:27

Ela awa wamaiza wapo wiserekundieghe niwibonyere nguma, wiredenyi aha muwibwaghe imbiri kwapo.’”

LUKA 6:46

“Kwaki muniwangagha Bwana, Bwana, msebonyagha agho nimghoriagha?

LUKA 6:48

Wafwanana na mundu uaghagha nyumba yake, nao ukakota ndenyi, na kuagha msingi ghwake aighu ya igho; kukacha kusalama kwa machi, na moda ghukaikaba ija nyumba, nayo ndeerenyavurikieghe anduangi, angu ereaghiloghe aighu ya igho.

LUKA 7:1

Hata iji Jesu wawighoria wandu malagho ghake ghose, ukaghenda Kafarnaumu.

JOHANE 15:2

Uo wadainja kula lumbashu andenyi kwapo lusevagha matunda, na kula lumbashu luvagha matunda wadaluboisa luchurie kuva matunda.

MABONYO GHA WADUMI 20:29

Ini namanya iji naghenda, mchachelwa ni vikwau vibirie visene wughoma na chagha;

MABONYO GHA WADUMI 26:11

Nani nerewitiririeghe kalazi koni andenyi ya masunagogi ghose, ngitima kuwibonya wijikane irumirio jawo; na kwa kubia kubaa ngawikoronga hata mizi ya wughenyinyi.

1 WATHESALONIKE 3:5

Kwa wundu ughu, niendalemwa ni kurumaghia kuchumba, niko ngamduma Timotheo, nipate kumanya malagho gha irumirio jenyu, ngiobua kewada uo Mtimi wachemtima, na kazi edu ikawuya ya duu.

2 PETRO 2:20

Kwa kukaia, nyuma ya kufufunuka kufuma kwa ugho wuchafu ghwa wurumwengu, kwa chia ya kummanya Bwana na Mkiri odu Jesu Kristo, wikawuya wikawadwa na kumazirwa andenyi kwaro sena, kutua kwawo kwakaia kuzamie kuchumba imbiri.

1 JOHANE 2:19

Awo wandu werefumieghe kodu, ela ndewerekoghe wa kedu anduangi; ngera wedeeka wa kedu, kumangu waduanyagha nesi. Ela werefumieghe, eri wipate kuwoneka worinyi kukaia awo wose si wa kedu anduangi.