LUKA 6:47 - Biblia Ilagho Jiboie Kwa Wandu Wose

⁴⁷ Uo ose uchagha kwapo na kusikira malagho ghapo na kughibonya, nichammbonyera seji ufwane.

LUKA 6:47 ပူးပေါင်းရင်းမြစ်များ

ISAYA 55:3

“Deghenyi madu ghenyu munichee, sikirenyi, mpate kukaia moyo; nani nichabonya ilaghano ja kala na kala andwamweri nenyo, kwa wundu ghwa lukundo lwapo lwa loli lukatie kwa Daudi.

MATHAYO 12:50

Angu uo ose uchaabonya lukundo lwa Aba uko mlungunyi nuo mwanidu wa womi, mwanidu wa waka, na mao.”

MATHAYO 17:5

Nao iji orekoghe ukighora agho, iwingu ja chokwa jikawifinikira, na lwaka lukasikirika andenyi ya ijo iwingu, “Uhu ni Mwana wapo mkundwa, uniboiagha loli-loli, msikirenyi.”

LUKA 11:28

Ela uo ukaghamba, “Ela warasimilwa kuchumba awa wijisikiragha ilagho ja Mlungu na kujiwadia.”

LUKA 14:26

“Mndungi ukacha kwapo, usezamilo ni ndee, na mae, na mkake, na wana wake, na waruna wa waka na wa womi, hata na irangi jake wori, ndedimagha kukaia mnughi wapo anduangi.

LUKA 6:48

Wafwanana na mundu uaghagha nyumba yake, nao ukakota ndenyi, na kuagha msingi ghwake aighu ya igho; kukacha kusalama kwa machi, na moda ghukaikaba ija nyumba, nayo ndeerenyavurikieghe anduangi, angu ereaghiloghe aighu ya igho.

LUKA 8:13

Iri rerepotokieghe maghonyi, ni sa wandu wijisikiragha ilagho na kujiwusa kwa kuboilwa, ela kwa kukaia wisewadie miri ingi, ngelo ya matimo wadawuya nyuma.

LUKA 8:8

Na rimu rikapotokia ndoe iwurue, rikazoghua na kuva ighana ighana.” Nao Jesu ukameria ukighamba, “Uo uko na madu ghesikira ndesikire.”

JOHANE 10:27

Ng'ondi rapo radasikira lwaka lwapo, nani nariichi, naro raninugha.

JOHANE 13:17

Ngera mwaghimanya agha, mwarasimilwa mkaghibonya.

JOHANE 14:15

“Mkanikunda mchaiwadia memu yapo.

JOHANE 5:40

nenyo mwalegha kucha kwapo mpate irangi.

JOHANE 6:35

Jesu ukawizera, “Ini nuo mkate ghwa irangi, uo uchagha kwapo na jingi ndechaawona njala, na uo ose urumiriagha kwapo na jingi ndechaaoma anduangi.

JOHANE 6:37

Awo wose Aba uninekagha wichacha kwapo; na uo uchagha kwapo, na jingi sichaammbinga anduangi.

JOHANE 8:52

Wayahudi wikamzera, “Idana damanya loli angu koko na pepo. Abrahamu wafue, na walodi wafue, na oho kwadizera wei, ‘Uo usikiragha mafundisho ghapo ndechaafwa anduangi.’

WAEBRANIA 5:9

nao umeria kukatishwa, ukawuya kuzoya kwaro kuja kukia kwa kala na kala, kwa awo wose wimsikiragha;

JAKOBO 4:17

Mundu umanyagha kubonya hachi, nao ndeibonyagha, kwake uo ni kaung'a.

1 PETRO 2:4

Mghendienyi, uo uko jija igho jiko moyo, jereleghelo ni wandu, ela imbiri ya Mlungu, ni igho jisaghulo jiko ja zoghori mbaa.

2 PETRO 1:10

Kwa huwo wanidu, fungenyi ndighi kumanga kwa kuwangwa na kusaghulwa konyu, angu mkabonya huwu, na jingi ndemchaaghwa;

1 JOHANE 2:29

Ikakaia mwaichi angu Kristo ni mhachi, mwadima kukaia na wuloli kukaia kula mundu ubonyagha hachi oovalwa ni Mlungu.

1 JOHANE 3:7

Wanake watini, mndungi usakemkalia; uo ubonyagha hachi, ni mhachi seji koni Kristo uko mhachi.

WUFUNUO 22:14

Warasimilwa awo wioghoshagha nguwo rawo, eri wipate kukaia na hachi eghughendia ugho mudi ghwa irangi, na kungia mzinyi wikimaria mbengenyi.