LUKA 6:45 - Biblia Ilagho Jiboie Kwa Wandu Wose

⁴⁵ Mundu mucha kwa agho mecha gha ngolonyi kwake, wadafunya agho ghiko mecha, na mundu mmbiwi kwa ugho wuwiwi ghuko ngolonyi kwake, wadafunya agho ghiko mawiwi. Angu momu ghwadadeda agho ghichue ngolonyi.”

LUKA 6:45 ပူးပေါင်းရင်းမြစ်များ

ZABURI 140:5

Wandu wikukasire wavisire mdegho kwa wundu ghwapo; wafungie nyavu wikaiala, na kuniwikia shaghala achienyi.

ZABURI 59:12

Kwa wundu ghwa madedo ghawo gha kaung'a, ndewiwado andenyi ya kukukasa kwawo. Kwa wundu ghwa kuewia na iro tee wawuyaghora,

ZABURI 59:7

Sikira seji widukanagha, na kuzaruma, chumi rawo reeka sa chufu memunyi kwawo; ela sena wiaghesha mndungi ndewuewisikira.

MAKATANISHO 12:18

Madedo ghibirie ghadadunga sa lufu, ela madedo gha mundu wa hikima ghadahoresha.

MAKATANISHO 15:23

Kutumbulia nicha kwadamredia mundu kuboilwa, na ilagho jadedwa kwa ngelo yaro jaboie nandighi.

MAKATANISHO 4:23

Lindia ngolo yako kuchumba vilambo vose, angu aho niko ndoria ya irangi ifumagha.

JOHANE 7:38

Uo unirumiriagha ini sa iji koni Maandiko ghighambagha, ‘Ngolonyi kwake ichafuma meda ya machi ghiko moyo.’”

MABONYO GHA WADUMI 5:3

Nao Petro ukamzera, “Anania, kwaki kwamneka Shetani wulalo ukachua ngolonyi kwako, hata kumkalie Roho Mweli na kuwikia mbai ifungu jimu ja pesa ra ndoe?

WAEFESO 3:8

Hata ngera ini nerekoghe mtini wa waeli wose, ela nerenekeloghe mvono ugho, nipate kuwichilia awo wandu wa mbari zima malagho gha iro mali ra Kristo risemanyikagha.

WAEFESO 4:29

Msakededa malagho ghangi ghizamie, ela mdede agho gheni ghiko mecha kwa wundu ghwa kuaghana; agho gheni ghifwanagha kwa ngelo yaro, ghipate kuwineka mvono awo wisikiragha.

WAEFESO 5:19

mkidedanya kwa zaburi, na chumbo, na kubora kwa rohonyi. M'bore na kumzumia Bwana kwa ngolo renyu rose;

WAKOLOSAI 3:16

Ilagho ja Kristo ndejikaie andenyi konyu kwa wungi, mkifundishana na kuwonyerana mmbeni na mmbeni kwa hikima yose. Mkibora zaburi, na chumbo, na chumbo ra kiroho; mkimfunyira Mlungu chawucha ngolonyi konyu.

WAKOLOSAI 4:6

Madedo ghenyu ghikaie gha mvono ngelo rose, sa vindo vilungilo na munyu, mpate kumanya seji imfwane kumtumbulia kula mundu.

WAEBRANIA 8:10

Iji nijo ilaghano nichaajibonya na nyumba ya Israeli nyuma ya matuku agho, waghamba Bwana; Nichangira sharia rapo akilinyi kwawo, na kuriandika ngolonyi kwawo, nani nichakaia Mlungu wawo, nawo wichakaia wandu wapo.

JUDA 1:15

kuwitanya wandu wose, na kuwiwonyera mabonyo ghawo ghose ghiseko na kuobua kwa Mlungu, agho wibonyere kwa iyo chia iseko na kuobua kwa Mlungu; na kwa wundu ghwa maza rose rizamie awo wakaung'a wisewadie kuobua kwa Mlungu wiridedie aighu ya Mlungu.”