LUKA 6:27 - Biblia Ilagho Jiboie Kwa Wandu Wose

²⁷ “Ela namzera inyo munisikiragha, wikundenyi wamaiza wenyu, muwibonyere nicha awa wizamilwagha ni inyo.

LUKA 6:27 ပူးပေါင်းရင်းမြစ်များ

1 WAZURI 13:6

Mzuri Jeroboamu ukamzera mlodi, “Tafadhali nilombie kwa BWANA Mlungu wako, kumvoye mkonu ghwapo ghupate kuboa.” Mlodi wa Mlungu ukamlomba BWANA, na mkonu ghwa mzuri ghukaboa na kuwuya sa iji koni ghorekoghe.

ZABURI 7:4

ikakaia nim'bonyere mghenyi wapo kiwiwi, angu kumsoka m'maiza wapo kuseko na hachi,

MAKATANISHO 24:17

M'maiza wako ukaghwa kuseboilo, hata ukaghwa kuseseke,

MAKATANISHO 25:2

Dadamneka Mlungu wubaa kwa maza urivisire kwake, ela wazuri dadawikasa kwa kufunukua malagho.

MARKO 4:24

Nao ukawizera, “Sikirienyi nicha agha: chija kipimo mpimiagha nacho wambenyu, nicho cheni mchaapimilwa ni Mlungu, sena mchachurilwa.

LUKA 23:34

Nao Jesu ukaghamba, “Aba, wifuye wughoma angu ndewimanyire iji wijibonyagha anduangi.” Wikawagha nguwo rake kwa kurikabia kura.

LUKA 6:22

Mwarasimilwa inyo kasikira wandu wazamilwa ni inyo, na kumlegha, na kumsholia na kujinona irina jenyu, kwa wundu ghwa Mwana wa Mdamu.

LUKA 6:35

Ela wikundenyi wamaiza wenyu, na kuwibonyera nicha; mkopeshe, ela msesuwirie kuwunjirwa kindo chingi; niko mafungu ghenyu ghichaakaia mabaa, sena mchakaia wana wa Uo-Uko-Aighu-Nandighi; angu uo moni ni mucha hata kwa awo wisewadie chawucha ingi na kwa wachoyo.

LUKA 8:15

Na iri ripotokie ndoe iwurue, ni sa wandu wijisikiragha ilagho na kujiwadia kwa ngolo ndicha esikira, nawo wadava matunda kwa kurumaghia.

LUKA 8:18

Kwa huwu, mkumanye seji msikiragha, angu uo uko nacho uchanekwa, sena uchachurilwa, ela uo usewadie, uchasokwa hata icho uririkanyagha oko nacho.”

LUKA 8:8

Na rimu rikapotokia ndoe iwurue, rikazoghua na kuva ighana ighana.” Nao Jesu ukameria ukighamba, “Uo uko na madu ghesikira ndesikire.”

MABONYO GHA WADUMI 10:38

Seji Mlungu oremshingieghe Jesu wa Nazareti mavuda kwa Roho Mweli, na kwa ndighi; nao ukamara-mara ukibonya nicha, na kuwiboisa wose werekorongeloghe ni uja Mmbiwi, angu Mlungu orekoghe andwamweri nao.

MABONYO GHA WADUMI 16:28

Ela Paulo ukaghora na lwaka lubaa, “Kusakekubonya kiwiwi chingi, angu deko aeni diwose.”

MABONYO GHA WADUMI 7:60

Nao ukadunga ngokoro ukakema na lwaka lubaa, “Bwana kusekewitalia kaung'a ihi.” Uendaghora huwo, ukafwa.

WAGALATIA 6:10

Kwa huwo, diwibonyere wandu wose nicha ngelo diko na wulalo; na kuchumba awo wa kinyumba cha irumirio.

1 WATHESALONIKE 5:15

Manyenyi angu mndungi onyu usakelipia kiwiwi kwa kiwiwi, ela matuku ghose mlole kubonyerana mecha mmbeni na mmbeni kwa wandu wose.

3 JOHANE 1:11

Mkundwa, kusesunge wuwiwi, ela kusunge wucha. Uo ubonyagha nicha ni wa Mlungu; uo ubonyagha kiwiwi, ndemmbonie Mlungu anduangi.