LUKA 6:23 - Biblia Ilagho Jiboie Kwa Wandu Wose

²³ Boilonyi ngelo iyo, mchumbe chumbe kwa kuboilwa, angu mwawikilwa mafungu mabaa uko mlungunyi. Angu huwo niko weke wawa wawo werewibonyereghe walodi.

LUKA 6:23 ပူးပေါင်းရင်းမြစ်များ

2 SAMUELI 6:16

Hata iji Sanduku ya llaghano ya BWANA erekoghe ikingirwa mzinyi ghwa Daudi, Mikali mwai wa Sauli ukazighana idirishenyi, ukammbona Mzuri Daudi ukirama na kuvina imbiri ya BWANA, ukammenya ngolonyi kwake.

1 WAZURI 18:4

hata iji Jezebeli orekoghe ukiwibwagha walodi wa BWANA, Obadia orewivisireghe walodi ighana mbangenyi kwa kuwiwagha vipughi viwi va mirongo-misanu mirongo-misanu; ukakaia ukiwineka vindo na machi.)

1 WAZURI 19:10

Ukatumbulia, “Naabwaghwa ni iriso jako BWANA Mlungu Uwadie-Ndighi-Rose; kwa kukaia wandu wa Israeli wasighie malaghiro ghako, wikachikanya madhabahu ghako, na kubwagha walodi wako kwa lufu. Idana naasighwa niekeri, nawo waawuyalola kunibwagha.”

1 WAZURI 19:14

Ukatumbulia, “Naabwaghwa ni iriso jako BWANA Mlungu Uwadie-Ndighi-Rose, kwa kukaia wandu wa Israeli wasighie malaghiro ghako.”

1 WAZURI 19:2

Niko Jezebeli ukaduma momu kwa Elija ukighamba, “Naghema milungu inibwaghe ngera kesho ngelo sa ihi nisekubonyere agho kuwibonyere walodi wa Baali.”

1 WAZURI 21:20

Ahabu uendammbona Elija ukamzera, “Kwaniwada nga m'maiza wapo?” Elija ukatumbulia, “Ee, nakuwada; oho kwamerie kukufunya kubonya mawiwi imbiri ya BWANA.

1 WAZURI 22:27

muwizere, wimmbike umundu kifungonyi; wimneke mkate mtini na machi, hata nawuya kwa sere.”

1 WAZURI 22:8

Ahabu ukamzera Jehoshafati, “Wasigharika mundu umweri okotia, nao ni Mikaia mwana wa Imla; ela wadanizamia angu jingi usenilodiagha mecha, ela wadanilodera mawiwi toe.” Jehoshafati ukaghamba, “Ii hata, kuseghore huwo.”

2 WAZURI 6:31

Mzuri ukaghamba, “Naghema Mlungu unibwaghe iji nisemdumbue Elisha mwana wa Shafati chongo idime.”

2 MALAGHO GHA NGELO 36:16

Ela wikakaia wikiwiseka wadumwa wa Mlungu kwa lumenyo, wikamenya malagho ghake na walodi wake; hata BWANA ukajokwa ni machu nandighi aighu ya wandu wake, na wutesia ghungi ghukasoweka.

NEHEMIA 9:26

“Ela hata huwo saki, wandu wako wikalegha kukusikira; wikaighalukia sharia yako nambai. Wikawibwagha walodi awo werewiwonyereghe, wikiwighoria wikughalukie oho. Wikakumenya oho ngelo kwa ngelo.

ZABURI 58:11

Wandu wichaghamba, “Loli mhachi uchanekwa mafungu ghake; loli oko Mlungu utanyagha ndoenyi.”

ISAYA 35:6

mkelemeri ucharama-rama sa shaa, na kituri uchabora kwa kuboilwa. Kwa kukaia machi ghichabuka kireti, na ndoria ra machi richakaia andu kuomie;

JEREMIA 2:30

Nawinekie wana wako adhabu, ela ndewicheetala kukuboisa weni. Mwawibwaghie walodi wenyu mmbeni, karakara na shimba ifondiagha.

MALAKI 4:1

BWANA Uwadie-Ndighi-Rose waghamba, “Ituku jiacha wandu wikukasire na wawiwi wose wichakorwa sa makanda. Ituku ijo wichakorwa hata mndungi usesigho.

MATHAYO 5:12

Boilonyi, mkaie na iseko ibaa; angu mafungu ghenyu ni mabaa aho mlungunyi; angu huwo niko werewitiririeghe walodi werekoghe imbiri konyu.

LUKA 1:41

Elizabeti uendasikira kuroghua kwa Maria, kana kakoo kikachumba kifunyi kwake, nao ukachulwa ni Roho Mweli;

LUKA 1:44

Angu iji nasikira kuroghua kwako, kana kakoo kachumba kwa kuboilwa kifunyi kwapo.

LUKA 6:35

Ela wikundenyi wamaiza wenyu, na kuwibonyera nicha; mkopeshe, ela msesuwirie kuwunjirwa kindo chingi; niko mafungu ghenyu ghichaakaia mabaa, sena mchakaia wana wa Uo-Uko-Aighu-Nandighi; angu uo moni ni mucha hata kwa awo wisewadie chawucha ingi na kwa wachoyo.

MABONYO GHA WADUMI 14:10

ukaghora kwa lwaka lubaa, “Wuka kimusi kwa maghu ghako.” Uja mundu ukarama na kughenda.

MABONYO GHA WADUMI 3:8

Ukarama, ukakaia kimusi, ukawoka kughenda na kungianya nawo cha Hekalunyi, ukighenda na kurama-rama kwa kumkasa Mlungu.

MABONYO GHA WADUMI 5:41

Niko wikafuma mwandunyi wikiboilwa, angu watalwa kukaia wifwane kusowelwa ishima kwa wundu ghwa irina ijo.

WAROMA 5:3

Hata si ijo jeni jiekeri anduangi, ela daboilwa andenyi ya matiriro ghedu, dikimanya angu matiriro ghadareda irumaghio,

2 WAKORINTHO 12:10

Niko huwo, kwa wundu ghwa Kristo, naboilwa andenyi ya wunyonge, na kudukanwa, na wasi, na kukorongwa, na hasara; angu iji niko mnyonge, niko niko na ndighi.

WAKOLOSAI 1:24

Idana naboilwa andenyi ya matiriro ghapo kwa wundu ghonyu, nani naawuyakatisha kwa mumbi ghwapo agho matiriro gha Kristo ghisigharikie kwa wundu ghwa mumbi ghwake, najo ni ikanisa.

2 TIMOTHEO 2:12

Dikarumaghia, dichabonya nguma andwamweri nao wori. Dikamlegha, nao moni uchadilegha.

WAEBRANIA 11:26

Ukawona angu kusholelwa kwa wundu ghwa Kristo, ni mali mbaa kuchumba mali rose ra Misri; angu orekoghe ukisuwiria mafungu ghichagha.

WAEBRANIA 11:6

Na kuseko na irumirio, ndeidimikagha kum'boia Mlungu anduangi. Angu mundu uo ose umsoghoderagha Mlungu, ni suti urumirie kukaia oko; nao wawikatishiragha awo wimlolagha uo.

JAKOBO 1:2

Wanidu, mkapatwa ni matimo mazima-mazima, mughitale kukaia ni kuboilwa konyu,

1 PETRO 4:13

Ela boilonyi kwa kukaia mwakaia wangara wa matiriro gha Kristo; eri mpate kuboilwa na kuzuma ngelo ya kufunukulwa kwa wubaa ghwake.

WUFUNUO 2:17

Uo uko na kudu, ndesikire agho malagho Roho ughighoriagha agho makanisa. Uo usimagha, nichamneka imu ya mana ivisiro, na kumneka igho ja chokwa jiandikilo irina iwishi aighu yaro, ijo mndungi usejiichi, ela uo mundu moni ujiwusagha.’

WUFUNUO 2:26

Uo usimagha na kuribonya kazi rapo hata kutua, nichamneka kubonya nguma aighu ya iro mbari,

WUFUNUO 2:7

Uo uko na kudu, ndesikire agho malagho Roho ughighoriagha agho makanisa. Uo usimagha nichamneka kuja matunda gha mudi ghwa irangi, ugho ghuko andenyi ya mbuwa ya Mlungu.’

WUFUNUO 21:7

U mundu usimagha, uchapata ifwa iji, nani nichakaia Mlungu wake, nao uchakaia mwana wapo.

WUFUNUO 3:12

Uo usimagha, nicham'bonya ukaie nguro andenyi ya iyo hekalu ya Mlungu wapo, hata najingi ndechaafuma aho anduangi. Nichajiandika irina ja Mlungu wapo aighu kwake, na irina ja muzi ghwa Mlungu wapo, ugho Jerusalemu mmbishi ghuseagha kufuma mlungunyi kwa Mlungu wapo, na irina japo jeni iwishi nichajiandika wori.

WUFUNUO 3:5

Uo usimagha, ucharushwa nguwo ra chokwa woruwo, nani sichaajivuta irina jake andenyi ya icho chuo cha irangi anduangi; ela nichajirumiria imbiri ya Aba na imbiri ya weke malaika wake.