LUKA 6:22 - Biblia Ilagho Jiboie Kwa Wandu Wose

²² Mwarasimilwa inyo kasikira wandu wazamilwa ni inyo, na kumlegha, na kumsholia na kujinona irina jenyu, kwa wundu ghwa Mwana wa Mdamu.

LUKA 6:22 ပူးပေါင်းရင်းမြစ်များ

ISAYA 65:5

Nawo wawizera wambao, ‘Kaienyi kula nesi, msedisoghodere; kwa kukaia isi daelie.’ Wandu awa wakaia sa mosi mbuonyi kwapo na modo ghuserimikagha matuku ghose.

ISAYA 66:5

Inyo msughusikiagha ilagho ja BWANA sikirenyi seji ughoragha, “Awo wanyinyu wizamilwagha ni inyo, na kummbinga kwa wundu gha irina japo waghambie, ‘Oke Mlungu ndewonyere wubaa ghwake dipate kummbona inyo mkiboilwa;’ ela sena niwo weni wichaafushwa waya.

MATHAYO 10:18

Mchaghenjwa imbiri ya awo wibonyagha nguma na wazuri kwa wundu ghwapo; mpate kujichila ijo Ilagho Jiboie kwawo na kwa mbari zima wori.

MATHAYO 10:22

Mchazamia wandu wose kwa wundu ghwa irina japo. Ela uo uchaarumaghia hata kutua, uchakia.

MATHAYO 10:39

Uo ulolagha kujikira irangi jake uchajilaghasha, ela uo ujilaghashagha irangi jake kwa wundu ghwapo uchajipata.

LUKA 20:15

Niko wikamkumba shighadi ya mbuwa ya mizabibu wikam'bwagha.” “Idana uja mundu wa mbuwa uchawibonya wada waja walimi?

LUKA 21:17

Wandu wose wichazamilwa ni inyo kwa wundu ghwa irina japo.

LUKA 6:21

Mwarasimilwa inyo muko na njala idana, angu mchaghudishwa. Mwarasimilwa inyo mlilagha idana, angu mchaseka.

JOHANE 12:42

Elaima sena, wengi wa vilongozi wa Wayahudi weremrumirieghe Jesu; ela kwa wundu ghwa Mafarisayo, ndewereghorieghe worinyi anduangi, angu wereobueghe kuwingwa sunagoginyi;

JOHANE 16:2

Wandu wichammbinga sunagoginyi rawo, sena ngelo iacha uo ose ucham'bwagha inyo, uchaghesha wei, uamdumikia Mlungu.

JOHANE 17:14

Nawinekie ilagho jako, wikazamia wurumwengu, angu wiseko wa wurumwengu; seji ini wori niseko wa wurumwengu anduangi.

JOHANE 7:7

Wurumwengu ndeghudimagha kuzamilwa ni inyo, ela ghwadazamilwa ni ini angu nighughoragha kazi rake kukaia razamie.

JOHANE 9:34

Wikatumbulia, “Wele kuadifundisha isi, na oho koovailwa kaung'enyi tiki?” Nao wikammbinga noko.

MABONYO GHA WADUMI 22:22

Wandu wikamsikiria Paulo hata ukaghora ilagho ijo; niko wikaghora kwa lwaka lubaa, “Mwinjenyi wurumwengunyi mundu ufwane huwo; ndeifwane ukaie moyo.”

MABONYO GHA WADUMI 24:5

Dawonie mundu uhu oko na ndengwa, ni m'bonyi sheshe aghadi ya Wayahudi wose wurumwengunyi kose, nao ni kilongozi cha dini ya Wanazareti.

MABONYO GHA WADUMI 9:16

angu ini nichammbonyera seji ichaamfwana kutirirwa kwa wundu ghwa irina japo.”

JAKOBO 1:12

Mundu urumaghiagha matimo, ucharasimilwa; angu iji wasima ijo itimo, uchapata kirumbu cha irangi, icho Mlungu uwilaghirie awo wose wimkundagha.

1 PETRO 3:14

Ela hata ngera mwatirirwa kwa wundu ghwa hachi, mcharasimilwa. Msakewiobua, hata msakejawasi;