LUKA 6:20 - Biblia Ilagho Jiboie Kwa Wandu Wose

²⁰ Nao Jesu ukawizighana wanughi wake ukaghamba, “Mwarasimilwa inyo muko wakiwa, angu wuzuri ghwa mlungunyi ni ghonyu.

LUKA 6:20 ပူးပေါင်းရင်းမြစ်များ

ZABURI 37:16

Icho kitini mhachi uko nacho chaboie kuchumba mali ra wawiwi wengi.

MAKATANISHO 16:19

Baa kukaia na roho ekusera chiaimweri na wakiwa, kuchumba kuwagha vilambo vidwalo wunyika chiaimweri na wandu wikukasagha.

MAKATANISHO 19:1

Baa mkiwa uko mloli, kuchumba mkelu ughoragha tee.

ISAYA 29:19

Wandu wikuserie wichapata maboilo kufuma kwa BWANA, na wakiwa wichamkasa Uo Mlungu wa Israeli kwa kuboilwa.

ISAYA 66:2

Ni ini moni nerevibonyereghe vilambo ivi vose, na vose ni vapo. Ini nadaboilwa ni mundu ukuserie, uko na roho ya wumboa na kusughusikia ilagho japo.

ZEFANIA 3:12

Nichasigha wandu wikuserie na wa mboa aho, awo wilolagha wulindiri ghwapo.

ZEKARIA 11:11

Kwa huwo ijo ilaghano jikanonwa ijo ituku. Awo wereghuagha na kuuza ng'ondi werekoghe wikinizighanira, wikamanya angu BWANA orekoghe ukighora nani kwa agho nabonya.

MATHAYO 11:5

Vitungure vawuyawona, wakelemeri wawuyaghenda, awa wiko na sima waawuyaeleshwa, awa wifue madu waawuyasikira, wafu waawuyarukishwa, na wakiwa wachililwa Ilagho Jiboie.

MATHAYO 25:34

Niko mzuri uchawizera waja wiko kwa mkonu ghwake ghwa kiwomi, ‘Choonyi inyo mrasimilwagha ni Aba, mmbuse ifwa ja wuzuri moreboisiroghe kufuma wurumwengu ghwazoya kuumbwa.

MATHAYO 5:1

Jesu uendajiwona jija izungu ja wandu, ukajoka mghondinyi, ukasea kidombo; na wanughi wake wikamghendia;

LUKA 12:32

“Msakeobua inyo chagha kitini, angu yam'boie Ndeyo onyu kumneka ugho wuzuri.

LUKA 13:28

Aho mchalila na kuja maghegho ghenyu, iji mchaammbona Abrahamu, Isaaka, na Jakobo, na walodi wose andenyi ya wuzuri ghwa Mlungu, na inyo mmbeni mwadeghwa shighadi.

LUKA 14:15

Nao iji umu wa waja wereserieghe kidombo wasikira agho ukamzera, “Warasimilwa uo uchaaja mkate kwa Wuzuri ghwa Mlungu.”

LUKA 16:25

“Ela Abrahamu ukamtumbulia, ‘Mwanwapo, kumbuka seji korekoghe kukikaia ndoenyi; korepatireghe maza rako ndicha, na Lazaro wokoni orepatireghe rizamie, nao idana uo aha wahoreshwa na oho kuatirirwa.

LUKA 4:18

“Roho wa Bwana oko aighu kwapo, angu orenishingieghe mavuda niwichilie wakiwa Ilagho Jiboie. Wanidumie niwighorie wafungwa malagho gha kufungulwa kwawo, na vitungure kupata kuwona kwawo, kuwifungua awa wikorongwagha;

MABONYO GHA WADUMI 14:22

Wikiwimangisha awo warumirii, na kuwifungisha ndighi widuo andenyi ya ijo irumirio wikighamba, “Ni suti dighungie Wuzuri ghwa Mlungu kwa chia ya wasi mungi.”

2 WAKORINTHO 6:10

sa wandu diko na wasi, ela diko na kuboilwa matuku ghose; sa wandu wiko wakiwa, ela dawibonya wandu wengi kukaia na mali; sa wandu disene kindo chingi, ela diko na vindo vose.

2 WAKORINTHO 8:2

Angu awo, hata ngera werekoghe andenyi ya matimo ghibirie gha wasi mungi, ela kuja kuboilwa kwawo kubaa, kwawibonyere wifunye mali rawo kwa wungi; hata ngera wukiwa ghwawo ghorekoghe ghuchumbie.

2 WAKORINTHO 8:9

Inyo mwaichi mvono ghwa Bwana odu Jesu Kristo, seji hata ngera orekoghe na mali, ela orewurieghe mkiwa kwa wundu ghonyu, eri kwa ugho wukiwa ghwake, mpate kukaia na mali.

1 WATHESALONIKE 1:6

nenyo mkakufwananisha nesi, na kukufwananisha na Bwana; angu morejiwusireghe ijo ilagho kwa wasi mungi, muko na kuboilwa kufumagha kwa Roho Mweli;

2 WATHESALONIKE 1:5

Maza iri ni wushuhuda ghwa kutanya kwa hachi kwa Mlungu, eri inyo mpate kubonywa wandu wifwane wa Wuzuri ghwa Mlungu; ugho ghwawuyam'bonya mpate wasi.

JAKOBO 1:12

Mundu urumaghiagha matimo, ucharasimilwa; angu iji wasima ijo itimo, uchapata kirumbu cha irangi, icho Mlungu uwilaghirie awo wose wimkundagha.

JAKOBO 2:5

Sikirienyi wanidu nimkunde: Welee, Mlungu nderewisaghueghe awo wiko wakiwa wa wurumwengu wipate kukaia Wazuri wa irumirio, na wandu wepata ifwa ja Wuzuri, ugho Mlungu uwilaghirie awo wimkundagha anguwada?

WUFUNUO 2:9

Naghumanya wasi ghwako, na wukiwa ghwako, (ela ko mzuri wa mali) na seji kughorelo kwa wuwiwi ni wandu awo wikuwangagha weni Wayahudi, nawo wiseko Wayahudi wangi; ela ni wandu wa sunagogi ya Shetani.

1 SAMUELI 2:8

Wadamjosa mkiwa ufume terinyi, wadammbusira uo usowie ufume kitungasinyi cha ivu; upate kuwibonya wisee kidombo chiaimweri na wabaa, wipate ifwa ja malalo gha ishima. Angu nguro ra ndoenyi ni ra BWANA, na aighu yaro waghuwikirie wurumwengu.