LUKA 5:38 - Biblia Ilagho Jiboie Kwa Wandu Wose

³⁸ Ela divei mbishi ni suti idungirilo viribenyi viwishi.

LUKA 5:38 ပူးပေါင်းရင်းမြစ်များ

EZEKIELI 36:26

Nichamneka ngolo mbishi, na roho mbishi nichaingira andenyi konyu; nani nichafunya ngolo ikurie sa igho kufuma konyu, na kumneka ngolo inyafue.

MATHAYO 9:17

Hata wandu ndewidungiriagha divei mbishi kwa viriba va kala. Wikabonya huwo, viriba vichabarika na divei ichadika na viriba vichanoneka. Ela wandu wadadungiria divei kwa viriba viwishi, na vose vichakaia banana.”

LUKA 5:37

Hata ndekuwadie mndungi udungiriagha divei mbishi viribenyi va kala, angu ukabonya huwo, ija divei mbishi ichavirashua, divei ichadika, na viriba vichanoneka.

LUKA 5:39

Hata ndekuwadie mndungi nyuma ya kunywa divei ya kala uwuyaakunda kunywa divei mbishi anduangi; angu uchaghamba, ‘Divei ya kala yaboie.’”

2 WAKORINTHO 5:17

Kwa huwo ngera mndungi oko andenyi ya Kristo, wakaia iumbo iwishi, maza ra kala rameria kuida, na iro mbishi rameria kucha.

WAGALATIA 2:4

Ela kwa wundu ghwa awo wanidu wa tee werengiriloghe andenyi kwa kiviso, awo werengirieghe kuzighana wuhuru ghodu diko nagho kwa Kristo Jesu, eri widingire wuzumbenyi;

1 TIMOTHEO 4:8

kwa kukaia, kukuzaisira kwa mumbi kwafwana kutini, ela kuobua kwa Mlungu kwafwana kwa kula chia; angu koko na ilaghiro kwa wundu ghwa irangi iji; na kwa jija jichagha wori.

WUFUNUO 21:5

Na uo oreserieghe kidombo aighu ya kifumbi cha nguma ukaghamba, “Ola niaribonya maza rose rikaie mbishi.” Wokoni ukaghora, “Kughiandike agha, angu ni malagho ghiko na wuloli, ghidimagha kurumirilwa.”