LUKA 5:24 - Biblia Ilagho Jiboie Kwa Wandu Wose

²⁴ Ela nakunda mmanye angu Mwana wa Mdamu oko nandighi andoenyi releka kaung'a.” Niko ukamzera uja mkongo wa kupooza, “Wuka kughuduke wuli ghwako kughale.”

LUKA 5:24 ပူးပေါင်းရင်းမြစ်များ

ISAYA 53:11

nao uchawona matunda gha wasi ghwa roho yake na kukatwa; kwa wundu ghwa kumanya kwa hachi yake, mdumiki wapo uchawibonya wengi kutalwa kukaia na hachi, nao uchaduka mawiwi ghawo.

DANIELI 7:13

Na kwa agho mawono gha nakio, nerewonieghe umu ufwanane na mwana wa mdamu ukicha andenyi ya mawingu gha mlungunyi; ukamchea Uo wa Matuku Mengi, ukakaia kimusi imbiri kwake.

MATHAYO 16:13

Hata iji Jesu wavika chia ra Kaisaria Filipi, ukawikotia wanughi wake, “Welee, wandu waghoragha Mwana wa Mdamu nani?”

MATHAYO 25:31

“Ngelo Mwana wa Mdamu uchagha na wubaa ghwake, na weke malaika wose wiko andwamweri nao, uchasea kidombo aighu ya kifumbi chake cha nguma.

MATHAYO 26:64

Jesu ukamzera, “Oho kwaghamba. Nani namghoria angu kufuma idana mchammbona Mwana wa Mdamu wasea kidombo chia ya mkonu ghwa kiwomi ghwa Uo Uwadie Ndighi, sena ukicha aighu ya mawingu gha mlungunyi.”

MATHAYO 28:18

Jesu ukawichea ukawizera, “Namerie kunekwa nguma rose mlungunyi na ndoenyi.

MATHAYO 4:24

Na sare yake ikaera isanga jose ja Siria, wandu wikamredia wakongo wa mbari rose werekoghe wikisirimika kwa pepo na kuzimia, andwamweri na wakelemeri. Jesu ukawiboisa wose.

MATHAYO 9:6

Ela nakunda mmanye angu Mwana wa Mdamu wawadie nguma relekia wandu kaung'a wurumwengunyi.” Niko ukamzera uja mkelemeri, “Wuka kughuduke wuli ghwako kwende nyumbenyi kwako.”

LUKA 5:13

Jesu ukaghughorua mkonu ghwake ukamuadada ukighamba, “Nakunda, eleshwa.” Nao shwa wori ija sima ikamsigha.

LUKA 5:18

Nao ahoeni wandu wikamredia mundu uko na wukongo ghwa kupooza walala wulinyi, nawo wikikunda kumreda na kummbika imbiri ya Jesu,

LUKA 5:23

Welee, iji jiangue kughora ni jiao, ni ja kughora, ‘Kaung'a rako ralekwa’ angu ni kughora, ‘Wuka kwende?’

LUKA 7:14

Ukacha ukaiwada jeneza, na awo wandu wereidukieghe wikadunga maghu. Jesu ukaghamba, “Mdawana, nakuzera wuka!”

LUKA 8:54

Jesu ukammbwada mkonu ukammbanga ukighamba, “Mwana, wuka.”

JOHANE 11:43

Umeria kughora agho, ukawanga kwa lwaka lubaa, “Lazaro! Fuma shighadi!”

JOHANE 17:2

Angu koremnekieghe nguma aighu ya wadamu wose, uwineke irangi ja kala na kala waja koremnekieghe.

JOHANE 3:13

Ndekuwadie mndungi ujokie mlungunyi, ela Mwana wa Mdamu uo userie kufuma mlungunyi.

JOHANE 5:27

Sena wamnekie nguma retanya, angu uko Mwana wa Mdamu.

MABONYO GHA WADUMI 14:10

ukaghora kwa lwaka lubaa, “Wuka kimusi kwa maghu ghako.” Uja mundu ukarama na kughenda.

MABONYO GHA WADUMI 5:31

Nao moni, Mlungu oremjosereghe nandighi kwa mkonu ghwake ghwa kiwomi ukaie Kilongozi na Mkiri, uwineke Waisraeli kuhea na kulekelwa kaung'a.

MABONYO GHA WADUMI 9:34

Petro ukamzera, “Ainea, Jesu Kristo wakuboisa, wuka kuale wuli ghwako.” Nao ukawuka shwa wori.

MABONYO GHA WADUMI 9:40

Ela Petro ukawifunya shighadi wose, ukadunga ngokoro ukalomba Mlungu; niko ukaighalukia gharia ukaghamba, “Tabitha wuka.” Nao ukalavua meso; hata iji wammbona Petro, ukasea kidombo.

WUFUNUO 1:13

Na aghadi ya vinara va taa, nerewonieghe mndumu sa Mwana wa Mdamu, urwae nguwo ndacha, na mkumbo ghwa dhahabu ghufungilo laghenyi kwake.