LUKA 5:15 - Biblia Ilagho Jiboie Kwa Wandu Wose

¹⁵ Ela wuvoro ghwa Jesu ghukachurikia kuera isanga jose; na izungu ibaa ja wandu jikamkwanyikia kumsikiria na kuboiswa makongo ghawo.

LUKA 5:15 ပူးပေါင်းရင်းမြစ်များ

MAKATANISHO 15:33

Kuobua kwa BWANA kwadafundisha mundu hikima, suti mundu ukusere imbiri usenekelo.

MATHAYO 9:26

Malagho agho ghikaereshwa isangenyi kose.

MATHAYO 9:31

Ela awo wikafuma na kughieresha malagho ghaja isangenyi kose.

MARKO 1:28

Nao ahoeni sare yake ikaera isangenyi kose Galilaya, na mbai-mbai yaro.

MARKO 1:45

Ela ukafuma, ukazoya kueresha ilagho jija andu kose, hata Jesu nderedimieghe kungia mzinyi worinyi anduangi, ela ukakaia shighadi kivisonyi andu kusewadie wandu. Ela hata huwo saki, wikamchea kufuma andu kose.

MARKO 3:7

Jesu ukafuma na wanughi wake, ukaghenda cha ndiwenyi ya Galilaya, na izungu ibaa kufuma Galilaya jikawinugha. Wandu awo werekoghe wafuma Judea, Jerusalemu,

LUKA 12:1

Ngelo iyo, iji maelfu mengi gha wandu gherekwanyikieghe, hata wikakaia wikiwadiana weni na weni, Jesu ukazoya kuwighoria wanughi wake imbiri ukighamba, “Mkulindie na chachu ya Mafarisayo nayo ni kuja kuwi.

LUKA 14:25

Nao izungu ibaa ja wandu jerekoghe jikinughana nao, ukaghaluka na kuwizera,

JOHANE 6:2

Izungu ibaa ja wandu jikamnugha, angu werewonieghe weke mwakilimbiti orewibonyereghe kwa kuwiboisa awo werekoghe wakongo.

1 TIMOTHEO 5:25

Huwo koni mabonyo mecha gheko worinyi; na hata agho ghiseko worinyi, ndeghidimagha kudua ghivisikie anduangi.