LUKA 4:5 - Biblia Ilagho Jiboie Kwa Wandu Wose

⁵ Nao Ibilisi ukamghenja andu kuko ighu, na shwa wori ukammbonyera mawuzuri ghose gha wurumwengunyi, ukamzera,

LUKA 4:5 ပူးပေါင်းရင်းမြစ်များ

AYUBU 20:5

Kukaia mundu mmbiwi wadaboilwa kwa ngelo vui; kuboilwa kwa mundu usene kuobua kwa Mlungu ni kwa ngelo vui.

ZABURI 73:19

Wanoneka shwa-shwa! Wainjwa na kusoweka kwa chia eobosha.

MATHAYO 24:14

Na iji Ilagho Jiboie ja Wuzuri jichachilwa wurumwengunyi kose kukaia wushuhuda kwa wandu wose; aho niko kutua kuchacha.

MATHAYO 4:8

Niko Ibilisi ukamjosa mghondinyi m'baa, ukammbonyera mawuzuri ghose gha wurumwengunyi na wubaa ghwaro,

1 WAKORINTHO 15:52

iji tarumbeta ya kutua yakabwa, dichaghaluswa diwose shwa wori sa kukunya kwa iriso. Angu tarumbeta ichakabwa, na wafu wicharukishwa wandu wisewoagha, nesi dichaghaluswa.

1 WAKORINTHO 7:31

na awo wawuyabonya maza ra ndoenyi, wikaie sa wisewueribonya. Kwa kukaia wurumwengu ughu seji ghuko ghwaawuyaida.

2 WAKORINTHO 4:17

Angu matiriro agha gha ngelo ndini, ghaawuyadiboisira wubaa ghwa kala na kala kwa wungi, ghusedimagha kufwananishwa na kindo chingi anduangi;

WAEFESO 2:2

iro morekoghe mkighenda naro aho imbiri, kwa kunugha mighendo ya wurumwengu ughu, na uo m'baa wa ndighi ra mbeonyi; iyo roho yawuyabonya kazi idana andenyi ya wandu wisemsikiragha Mlungu.

WAEFESO 6:12

Angu ndediwuelwa na wadamu, ela daawuyalwa na mawubaa, na awo wiwadie ndighi, na wabonyi nguma wa wurumwengu ughu ghwa kira chiko idime, na majeshi gha roho rizamie, ghiko cha mlungunyi.