LUKA 4:23 - Biblia Ilagho Jiboie Kwa Wandu Wose

²³ Nao ukawizera, “Kwa loli mchaghutumia mfwano ughu aighu kwapo: ‘Mghanga, kukuboise kumoni, agho disikire wei kwaghibonyere Kafarnaumu, ghibonye aha isangenyi jako wori.’”

LUKA 4:23 ပူးပေါင်းရင်းမြစ်များ

MATHAYO 13:54

ukaghenda mzinyi kwawo. Ukakaia ukiwifundisha wandu andenyi ya sunagogi yawo, hata wikashinika wikighamba, “Mundu uhu wapatire hao hikima ihi na awa weke mwakilimbiti?

MATHAYO 4:13

Nao nderekaieghe Nazareti anduangi, ela ukaghenda Kafarnaumu, muzi ghuko mbai na mbai ya ndiwa ya Galilaya, mwanonyi ghwa isanga ja Zebluni na Naftali; ukakaia aho.

MATHAYO 4:23

Nao Jesu ukaghenda Galilaya kose ukifundisha andenyi ya sunagogi rawo, ukichila Ilagho Jiboie ja Wuzuri ghwa Mlungu. Ukaboisa kula mbari ya makongo na saka rerekoghe kwa wandu.

MARKO 6:1

Jesu ukafuma aja, ukaghenda isanga jake jeni, na wanughi wake wikanughana nao.

LUKA 2:39

Hata iji wameria kubonya maza rose karakara na Sharia ya Bwana, wikawuya Galilaya, mzinyi kwawo koni Nazareti.

LUKA 2:51

Nao ukaghendanya nawo hata Nazareti, ukakaia ukiwisikira, na mae ukaghiwika malagho agho ghose ngolonyi kwake.

LUKA 4:16

Nao ukacha Nazareti andu oreleleloghe, ukangia sunagoginyi ituku ja Sabato karakara na mzango ghwake.

LUKA 4:31

Nao ukasea cha Kafarnaumu muzi ghwa Galilaya. Nao orekoghe ukiwifundisha ituku ja Sabato;

LUKA 4:35

Ela Jesu ukaikania ukaghamba, “Nyama kima kufume kwake!” Nao ija pepo imeria kumghusha aghadi kwawo, ikamfuma, isem'bonyere ilagho jingi.

LUKA 6:42

Angu-lee, kuchamzera wada mwanyinyu, ‘Mwanidu, leka nikufunye ichi kijaghulu chiko irisonyi kwako,’ na oho kumoni kusechiwonagha kilingo chiko irisonyi kwako? Muji-kuwi oho, funya kilingo chiko irisonyi kwako kande, niko kuchaawona nicha kufunya kijaghulu chiko andenyi ya iriso ja mwanyinyu.

JOHANE 4:28

Nao uja muka ukasigha mtungi ghwake, ukawuya mzinyi na kuwighoria wandu,

2 WAKORINTHO 5:16

Kwa huwu kufuma idana, ndedimmanyagha mndungi kwa kunugha seji uwonekagha anduangi; hata ngera deremmanyireghe Kristo kunughana na seji orekoghe ukiwoneka, ndediduagha dikimmanya huwo anduangi.