LUKA 3:22 - Biblia Ilagho Jiboie Kwa Wandu Wose

²² na Roho Mweli ukamseria aighu kwake uko na fwana ya mumbi sa mbughi, na lwaka lukafuma mlungunyi, “Oho ko Mwana wapo mkundwa, niboilwagha ni oho loli-loli.”

LUKA 3:22 ပူးပေါင်းရင်းမြစ်များ

ZABURI 2:7

Mzuri waghamba, “Nichaeresha agho BWANA ughorie. Wanizerie huwu, ‘Oho ko mwana wapo, nakuva idime.

ISAYA 42:1

BWANA waghamba, “Zighana mdumiki wapo uo nimmangishagha, msaghulwa wapo, uo uniboiagha loli-loli. Nameria kumchura Roho wapo, nao uchareda hachi kwa iro mbari ra wandu.

MATHAYO 12:18

“Wonenyi mdumiki wapo uo nimsaghue wangolo wapo, uo uniboiagha ngolonyi. Nichaiwika Roho yapo aighu kwake, nao uchawighoria mbari rose matanyo ghapo gha hachi.

MATHAYO 17:5

Nao iji orekoghe ukighora agho, iwingu ja chokwa jikawifinikira, na lwaka lukasikirika andenyi ya ijo iwingu, “Uhu ni Mwana wapo mkundwa, uniboiagha loli-loli, msikirenyi.”

MATHAYO 27:43

Wamrumirie Mlungu, na kukuwanga ‘Mwana wa Mlungu.’ Oke Mlungu ndemkire idana ngera loli wamkunde.”

MATHAYO 3:13

Ngelo iyo Jesu ukacha Jordani kufuma Galilaya upate kubaputizwa ni Johane.

MATHAYO 3:16

Nao nyuma ya Jesu kubaputizwa, ukajoka shwa kufuma machinyi. Na mlungunyi kukafunukuka, ukammbona Roho wa Mlungu ukisea sa mbughi na kukaria aighu yake.

MATHAYO 3:17

Na lwaka lukasikirika kufuma mlungunyi lukighamba, “Uhu nuo Mwana wapo mkundwa, uniboiagha loli-loli.”

MARKO 1:11

Lwaka lukasikirwa kufuma mlungunyi, “Oho ko Mwana wapo, mkundwa, kuniboiagha loli-loli.”

MARKO 1:9

Matuku ghaja gheni, Jesu orechieghe kufuma Nazareti, muzi ghwa Galilaya; ukabaputizwa ni Johane modenyi ghwa Jordani.

MARKO 9:7

Aho jikacha iwingu, jikawingiria kiju, na lwaka lukasikirika kufuma iwingunyi, “Uhu ni Mwana wapo mkundwa, msikirenyi.”

LUKA 2:14

“Wubaa ghukaie kwa Mlungu aighu na ndighi, na sere andoenyi kwa wandu; awo uboilwagha nawo!”

LUKA 4:21

Ukazoya kuwizera, “Idime maandiko agha ghapata kukatia madunyi konyu.”

JOHANE 1:32

Nao Johane ukashuhudia ukighamba, “Neremmbonieghe Roho sa mbughi ukisea kufuma mlungunyi na kukaria aighu yake.

JOHANE 12:28

Aba, jikase irina jako.” Nao lwaka lukacha kufuma mlungunyi, “Nameria kujikasa sena nichajikasa.”

JOHANE 5:37

Na wokoni uja Aba orenidumieghe wanishuhudia; na inyo jingi ndemlusikire lwaka lwake hata kughuwona wushu ghwake anduangi;

MABONYO GHA WADUMI 10:38

Seji Mlungu oremshingieghe Jesu wa Nazareti mavuda kwa Roho Mweli, na kwa ndighi; nao ukamara-mara ukibonya nicha, na kuwiboisa wose werekorongeloghe ni uja Mmbiwi, angu Mlungu orekoghe andwamweri nao.

WAKOLOSAI 1:13

Nao wadikirie kufuma kwa iro ndighi ra kira, ukadibarisha na kudingira andenyi ya wuzuri ghwa Mwana wake mkundwa;

1 PETRO 2:4

Mghendienyi, uo uko jija igho jiko moyo, jereleghelo ni wandu, ela imbiri ya Mlungu, ni igho jisaghulo jiko ja zoghori mbaa.