LUKA 3:14 - Biblia Ilagho Jiboie Kwa Wandu Wose

¹⁴ Masikari nawo wikacha na kumkotia, “Na isi dibonya wada?” Ukawizera, “Msakemsoka mndungi kilambo chingi kwa ndighi, angu kwa chia ya kumzighiria kwa tee, nenyo mkato ni mishahara enyu.”

LUKA 3:14 ပူးပေါင်းရင်းမြစ်များ

KUFUMA 20:16

“Kusakemzighiria mmbenyu kwa tee.

KUFUMA 23:1

“Kuseereshe malagho gha tee, hata kusemtesie mundu mmbiwi kwa kufunya wushuhuda ghwa tee.

WALAWI 19:11

“Kusakeiwa, hata kusekalie, hata mseghoriane tee.

MATHAYO 8:5

Nao iji Jesu orekoghe ukingia muzi ghwa Kafarnaumu, m'baa umu Mroma ukamghendia ukimlomba wutesia,

LUKA 19:8

Nao Zakio ukawuka kimusi ukamzera Bwana, “Zighana Bwana, nusu ya mali rapo, nichawineka wakiwa, na ngera namkalie mndungi kwa kindo chingi, nichammbunjira mando ana.”

LUKA 3:10

Nao awo wandu wikamkotia, “Da dibonya wada?”

LUKA 3:13

Ukawitumbulia, “Msakewusa kuchumba icho kipimo chilaghirilo.”

MABONYO GHA WADUMI 10:7

Uja malaika oreghoragha nao uendamsigha, Kornelio ukawiwanga wadumiki wake wawi, andwamweri na asikari umu unughagha dini wa awa werekoghe wikimdumikia;

WAFILIPI 2:15

mpate kukaia wandu mseghorwagha kiwiwi, hata kukaia na ikosa jingi anduangi; wana wa Mlungu msewadie iboli jingi, aghadi ya kivalwa chinonekie na cha kaung'a; mking'ala-ng'ala aghadi kwawo sa miengere wurumwengunyi.

WAFILIPI 4:11

Si angu wei naawuyakunda kindo chingi anduangi, angu nakufundishire kukatwa ni maza rose seji koni niko.

TITO 2:3

Kuwilaghire wakeku wokoni wikaie na tabia ra ishima; wisakekaia wazighirii, angu wazumba wa chofi. Wifundishe agho ghiko mecha,

WUFUNUO 12:10

Ngasikira lwaka lubaa mlungunyi lukighamba, “Idana kukia kwa Mlungu odu kwameria kucha; na uko kudima kwake, na wuzuri ghwake, na iyo nguma ya Kristo wake; angu uo mshitaki uwishitakiagha wanidu kio na dime imbiri ya Mlungu wameria kupotolwa.