LUKA 24:39 - Biblia Ilagho Jiboie Kwa Wandu Wose

³⁹ Nizighanenyi mikonu yapo, na maghu ghapo, mmbone angu ni ini moni; niwadenyi mmanye, angu kisuka ndechiwadie mumbi na maindi seji muniwonagha niko navo anduangi.”

LUKA 24:39 ပူးပေါင်းရင်းမြစ်များ

MCHILI 12:7

Wandu wichawuya ndoenyi, na roho iwuye kwa Mlungu uo oreifunyireghe.

MITALO 16:22

Musa na Haruni wikaghwa kijimijimi wikaghamba, “Ee Mlungu, kuko Mlungu wa roho ra mimbi yose, wele mundu umweri ukakosa, kuajibonyera machu izungu jose?”

LUKA 23:46

Nao Jesu ukikema na lwaka lubaa ukaghamba, “Aba, naiwika roho yapo mikonunyi kwako.” Umeria kughora huwo ukameria moyo.

LUKA 24:38

Nao ukawizera, “Kwaki mwakambwa ni chongo, na kukaia na maghesho mengi ngolonyi konyu?

LUKA 24:40

Nyuma ya kughora agho, ukawiwonyera mikonu na maghu ghake.

JOHANE 20:20

Uendaghora agho, ukawiwonyera mikonu yake, na luwaru lwake. Niko wikaboilwa kwa kummbona Bwana.

JOHANE 20:25

Waja wanughi wambao wikamzera, “Dammbona Bwana!” Tomasi ukawizera, “Ngera nisewonie na kuriadada alama ra misumari vikotonyi kwake, sena ningire mkonu ghwapo luwarunyi kwake, sichaarumiria anduangi.”

JOHANE 20:27

Nao ukamzera Tomasi, “Reda chala chako kuvizighane vikoto vapo, reda mkonu ghwako kughungire luwarunyi kwapo. Kusakekaia mundu userumiriagha, ela uo urumiriagha!”

MABONYO GHA WADUMI 1:3

Orekuwonyereghe uo moni kwa matuku mirongo ina seji oko moyo loli, nyuma ya kufwa kwake; wikammbona mando malazi ukija nawo malagho gha Wuzuri ghwa Mlungu.

1 WATHESALONIKE 5:23

Uo Mlungu moni wa sere, ndemueleshe inyo putu; roho renyu, na nia renyu, na mimbi yenyu; ikilindilwa nicha kuseko na ikosa jingi hata ngelo ya kucha kwake Bwana odu Jesu Kristo.

WAEBRANIA 12:9

Chiaimweri na agho isi derekoghe na weke aba wa ndoenyi, werekoghe wikidikania, nesi dikawineka ishima. Welee, ndeidifwane dikusere kuchumba kwa Aba wa roho redu dipate kukaia moyo anguwada?

1 JOHANE 1:1

Agho malagho gherekoghe kufuma kuzoenyi, agho dereghisikireghe, agho dereghiwonieghe na meso ghedu, agho dereghizighanireghe na kughiadada na mikonu yedu; gha ijo Ilagho ja Irangi.