LUKA 24:36 - Biblia Ilagho Jiboie Kwa Wandu Wose

³⁶ Nao iji werekoghe wikighora malagho agho, Jesu moni ukakaia kimusi aghadi kwawo ukawizera, “Sere ndeikaie konyu.”

LUKA 24:36 ပူးပေါင်းရင်းမြစ်များ

ISAYA 57:18

Namerie kuwona mighendo yake, ela nichamkira, na kumlongoza, na kumhoresha;

MATHAYO 10:13

Iji wandu wa nyumba iyo wamkaribisha, sere enyu ndeikaie kwawo; ela ikakaia walegha kumkaribisha, sere enyu ichammburia.

MARKO 16:14

Kutua, Jesu ukawifutukia waja ikumi na umweri wiko kidombo vindonyi, ukawirasha kwa kulegha kurumiria kwawo na kwa kukua kwa ngolo rawo, angu wiserewirumirieghe waja weremmbonieghe nyuma ya kuruka kwake anduangi.

LUKA 10:5

Kasikira mwangia nyumba ingi, izerenyi kande, ‘Sere ndeikaie aighu ya nyumba ihi.’

JOHANE 14:27

“Namsighia sere, sere yapo namneka, simnekagha seji wurumwengu ghubonyagha. Msakeja wasi ngolonyi konyu, hata msakeobua.

JOHANE 16:33

Namghoria malagho agha, mpate kukaia na sere andenyi kwapo; mchakaia na wasi wurumwengunyi, ela kaienyi na ngolo, ini naghusima wurumwengu.”

JOHANE 20:26

Nao nyuma ya matuku wunyanya, wanughi wake werekoghe wakwanyika andwamweri sena, na Tomasi orekwanyeghe nawo. Minyango erekoghe irughie, ela Jesu ukangia, ukakaia kimusi aghadi kwawo ukaghamba, “Sere ndeikaie konyu.”

MABONYO GHA WADUMI 1:3

Orekuwonyereghe uo moni kwa matuku mirongo ina seji oko moyo loli, nyuma ya kufwa kwake; wikammbona mando malazi ukija nawo malagho gha Wuzuri ghwa Mlungu.

1 WAKORINTHO 15:5

na seji oremfutukieghe Kefa, na nyuma yake ukawifutukia wadumi wose ikumi na wawi.

1 WAKORINTHO 15:7

Konyuma ukamfutukia Jakobo, na huwo koni wadumi wose.

2 WATHESALONIKE 3:16

Idana, uo Bwana moni wa sere, ndemneke inyo sere ngelo rose kwa chia rose. Bwana ndekaie nenyo mmbose.

WUFUNUO 1:4

Ini Johane, naghiandikia makanisa mfungade ghiko isanga ja Asia. Mvono ndeghukaie konyu, na sere ifumagha kwa Mlungu uo uko, nao orekoghe, na nuo uchagha; na kufuma kwa iro roho mfungade riko imbiri ya kifumbi chake cha nguma,