LUKA 24:32 - Biblia Ilagho Jiboie Kwa Wandu Wose

³² Wikazerana weni na weni, “Ado siko koni ngolo redu rikoghe rikiaka andenyi kodu iji ukoghe ukiditambuya Maandiko?”

LUKA 24:32 ပူးပေါင်းရင်းမြစ်များ

ZABURI 104:34

Uko kumririkanya BWANA kwapo, ndekum'boie, angu nuo unibonyagha niboilo.

ZABURI 39:3

na ngolo yapo ikaaka modo. Iji nerekoghe ngiririkanya, ngachuria kuakwa ni modo; ngadima nadeda.

MAKATANISHO 27:17

Chuma chadanoa chuma, na mdamu wadafundishwa ni mdamu mmbao.

MAKATANISHO 27:9

Mavuda na marumba, ghadaibonya ngolo iboilo; ela roho yadakaia na wasi ikapatwa ni malagho.

ISAYA 50:4

Bwana MLUNGU waninekie kudeda malagho gha awo wifundishiro, nipate agho malagho ghemtesia mundu usirilo. Wadaniwusira kula nakesho na kunibonya nisikire malagho gha awo wandu wifundishiro.

JEREMIA 15:16

Nereghiwonieghe malagho ghako ngaghija, ghikawuya iseko na kuboilwa ngolonyi kwapo; angu niwangilo kwa irina jako ee BWANA Mlungu wa majeshi.

JEREMIA 20:9

Ngaghamba, “Sichaamghora BWANA angu kughora kwa irina jake,” jiaghaluka ngolonyi kwapo seji ni modo ghuakagha, ghwarughilwa andenyi ya maindi ghapo; nani nalemwa ni kijighiria sidimagha kujikania.

JEREMIA 23:29

Welee, ilagho japo ndejeeka sa modo, ndejeeka sa nyondo ibaraa-bara igho?

MARKO 4:34

hata kuseko na mfwano ndereghorieghe nawo anduangi; ela iji werekoghe wiekeri, ukawitambuya wanughi wake maza rose.

LUKA 24:45

Nao ukawifungua akili rawo wipate kutambukilwa ni Maandiko.

JOHANE 6:63

Uja Roho nuo unekagha irangi, ela mumbi ndeghudimagha ilagho jingi anduangi. Malagho namghoria ni Roho na irangi.

MABONYO GHA WADUMI 28:23

Hata iji wadumbua ituku jekwana nao, wikacha wandu walazi nyumbenyi kwake. Paulo ukawighoria agho malagho kufuma nakesho hata luma lwa kenyi; ukiwishuhudia malagho gha Wuzuri ghwa Mlungu, na kutima kuwibonya wirumirie malagho gha Jesu kwa kutumia Sharia ya Musa na maandiko gha walodi.

WAEBRANIA 4:12

Angu ilagho ja Mlungu jeko moyo, sena jawadie ndighi, sena jakalie kuchumba lufu lukalie chia rose; najo jadunga na kuvikia irangi na roho, hata kuvikia mawungo na wusuchi; jikitambua maghesho na maririkanyo gha ngolo.