LUKA 24:27 - Biblia Ilagho Jiboie Kwa Wandu Wose

²⁷ Niko ukawitambuya maza rose riandikilo kwa wundu ghwake ukizoya na vuo va Musa na va walodi wose.

LUKA 24:27 ပူးပေါင်းရင်းမြစ်များ

KUZOYA 12:3

Nichawirasimia awo wichaakurasimia oho, nani nichawiwasira njowe awo wichaakuwasira njowe; na kwa oho mbari rose ra ndoenyi richarasimilwa.”

KUZOYA 22:18

Na kwa kivalwa chako, mbari rose ra ndoenyi richanilomba irasimio, angu oho kwalusikira lwaka lwapo.”

KUZOYA 26:4

Nichachichuria kivalwa chako sa nyerinyeri ra mlungunyi, nani nichachineka kivalwa chako masanga agha ghose. Na kwa kivalwa chako, mbari rose ra ndoenyi richanilomba irasimio;

KUZOYA 3:15

Nichawika wumaiza aghadi yako na uo muka, na aghadi ya kivalwa chako na kivalwa chake. Uo uchachibara chongo chako, na oho kuchamluma ghimbe yake.”

KUZOYA 49:10

Juda ndechaatana na mzata ghwa nguma, na uo ubonyagha nguma ndechaasoweka kwake anduangi. Hata uche mundu waro moni, uo uchaasikirwa ni wandu wose.

ZABURI 132:11

BWANA, korem'bonyereghe Daudi ilaghiro ja loli, kusedimagha kujiinja: “Nichammbika umu wa kivalwa chako aighu ya kifumbi chako cha nguma.

ISAYA 1:23

Wabaa waro wawuya waleghi, wakaia wangara wa vitoi. Kula umu onyu ookunda kuhongwa, na kuwusa manosi; ndewidederiagha wana wakiwa, hata ndewimtanyiagha hachi muka mkiwa anduangi.

ISAYA 50:6

Nerefunyireghe mghongo ghwapo kwa awo wibulagha, na madumbu ghapo kwa awo wererikueghe sombe rapo hata serefueghe waya na kughuvisa wushu ghwapo kwa awo werenichueghe mada.

ISAYA 7:14

Kwa huwo, Bwana moni uchamneka alama. Ola, mwai uchakaia na kifu, uve mwana wa womi, na irina jake uchawangwa Immanueli.

ISAYA 8:17

Nichammbeseria BWANA, uo wawuyakuvisa usewono ni kivalwa cha Jakobo, nani nichamsuwiria uo.

ISAYA 9:1

Ndekuchaakaia na chia ingi kwawo efufunuka iyo ngelo ya wasi.

EZEKIELI 34:23

Nani nichawika mlisha umweri aighu yawo, sa mdumiki wapo Daudi, nao ucharilisha, na kuwuya mlisha wawo.

EZEKIELI 37:25

Wichakaia isangenyi ijo jerekailoghe ni weke ndee, ijo neremnekieghe mdumiki wapo Jakobo. Wichakaia aho, na wana wawo, na weke wawae kwa kala na kala, na mdumiki wapo Daudi uchakaia m'baa wawo kwa kala na kala.

DANIELI 7:13

Na kwa agho mawono gha nakio, nerewonieghe umu ufwanane na mwana wa mdamu ukicha andenyi ya mawingu gha mlungunyi; ukamchea Uo wa Matuku Mengi, ukakaia kimusi imbiri kwake.

MIKA 5:6

Wichamsima Muashuri, ijo isanga ja Nimrodi, nawo wichadikira disekabo ni Waashuru iji wangia isangenyi kodu.

MIKA 7:20

Kuchawonyera wuloli na lukundo lwako lukatie kwa wandu wako, icho kivalwa cha Abrahamu na Jakobo sa iji korelaghirieghe kwa weke aba kufuma kala.

ZEKARIA 13:7

BWANA Uwadie-Ndighi-Rose waghamba, “Wuka ee lufu kulo na mlisha uo unidumikiagha; bwagha mlisha, na ng'ondi richasaghisika. Ini nichalwa na wandu wapo;

ZEKARIA 9:9

Zumenyi ee wandu wa Sioni! Kemenyi kwa kuboilwa inyo wandu wa Jerusalemu! Wonenyi mzuri onyu uamchea! Oko na wusimi m'baa; ela ni mmboa nao wajoka aighu ya punda; punda mtini, mwana wa punda.

MALAKI 4:2

Ela konyu inyo munisikiragha, ndighi ra kukia kwapo richam'bukia sa iruwa, nenyo mchaboiswa. Mchaghenda mkirama-rama sa ngache rafuma wazenyi.

MITALO 21:14

Kwa wundu ugho niko ikaghorwa andenyi ya Chuo cha Wuda ghwa BWANA huwu: “Mizi ya Wahebu iko Sufa na vololo ra Moda ghwa Arnoni,

MARKO 4:34

hata kuseko na mfwano ndereghorieghe nawo anduangi; ela iji werekoghe wiekeri, ukawitambuya wanughi wake maza rose.

LUKA 24:25

Nao Jesu ukawizera, “Kwaki mkelie huwu, muko na ngolo rilemere rerumiria malagho ghose ghighorelo ni walodi?

LUKA 24:44

Niko ukawizera, “Agha nigho malagho neremghorieghe iji nerekwanyeghe andwamweri nenyo, kukaia agho ghose ghereandikiloghe aighu yapo andenyi ya Sharia ra Musa, Maandiko gha walodi na Zaburi, suti ghikatisho.”

JOHANE 1:45

Filipo ukammbona Nathanaeli ukamzera, “Dammbona Uo Musa oremuandikieghe sharienyi, na wokoni oreandikiloghe andenyi ya vuo va walodi; nao ni Jesu mwana wa Josefu, mundu wa Nazareti.”

JOHANE 12:41

Isaya oreghorieghe malagho agha angu oreghuwonieghe wubaa ghwa Jesu, nao ukaghora malagho ghake.

JOHANE 5:37

Na wokoni uja Aba orenidumieghe wanishuhudia; na inyo jingi ndemlusikire lwaka lwake hata kughuwona wushu ghwake anduangi;

JOHANE 5:39

Mwadazighana-zighana Maandiko, mkiririkanya wei ghadima kumneka irangi ja kala na kala, nagho nigho ghinishuhudiagha ini;

MABONYO GHA WADUMI 10:43

Walodi wose wamshuhudia uo kukaia, uo ose urumiriagha kwake, uchalekwa kaung'a rake kwa irina jake.”

MABONYO GHA WADUMI 3:18

Ela Mlungu oreghorieghe kokala kwa chia ya walodi wose angu Kristo wake uchatirirwa; nao wajikatishire ilagho ijo kwa chia ihi.

MABONYO GHA WADUMI 3:22

Musa oreghambieghe, ‘Bwana Mlungu uchammbusiria inyo mlodi kufuma kwa wanyinyu sa iji koni oreniwusirieghe ini; nenyo mchamsikira kwa malagho ghose uchaamghoria.

MABONYO GHA WADUMI 3:24

Malagho ghose gherededeloghe ni walodi, kufuma Samueli hata awo wicheecha na nyuma yake, werededieghe malagho gha matuku agha.

MABONYO GHA WADUMI 7:37

Uo Musa nuo moni orewizerieghe Waisraeli, ‘Mlungu uchammbusiria mlodi kufuma aghadi ya wanyinyu sa ini.’

MABONYO GHA WADUMI 8:35

Niko Filipo ukazoya kughora; nao ukizoya na maandiko ghaja gheni, ukamchilia Ilagho Jiboie ja Jesu.

WUKUMBUSO 1:45

Niko mcheewuya mkawoka kumlilia BWANA, ela BWANA ndemcheesikira hata kumzighana anduangi.

WUKUMBUSO 18:15

BWANA Mlungu onyu uchammbusiria mlodi ufumagha aghadi ya wanyinyu uko sa ini; mumsikire.

WUFUNUO 19:10

Niko ngaghwa kijimijimi maghunyi kwa uo malaika nipate kumtasa; ela uo ukanizera, “Kusakebonya huwo! Ini ne mdumiki sa kumoni, na sa awo wanyinyu wiwadie wushuhuda ghwa Jesu. Mtase Mlungu.” Angu ugho wushuhuda ghwa Jesu, niyo roho ya wulodi.