LUKA 23:41 - Biblia Ilagho Jiboie Kwa Wandu Wose

⁴¹ Isi loli daakabwa kwa hachi, ela mundu uhu ndebonyere ikosa jingi anduangi.”

LUKA 23:41 ပူးပေါင်းရင်းမြစ်များ

2 MALAGHO GHA NGELO 33:12

Nao iji orekoghe andenyi ya wasi, ukamvoya BWANA Mlungu wa weke ndee.

EZRA 9:13

Hata ngera dapatiro ni agho ghose ghikikaia ikabo kwa wundu ghwa kaung'a redu nyingi, ndekudikabie seji idifwane dikabo, kukadisighia wulalo ghokaia moyo.

NEHEMIA 9:3

Wikakaia kimusi andu koni werekoghe na kushoma chuo cha Sharia ya Mlungu wawo kwa masaa adadu, na kwa masaa ghamu adadu, werekoghe wikirumiria na kumtasa Mlungu wawo.

DANIELI 9:4

Ngamlomba BWANA Mlungu wapo, ngarumiria makosa gha wandu wapo ngighamba, “Ee BWANA, ko Mlungu m'baa oobolwa; kwadakatisha malaghano na lukundo lukatie kwa awo wikunde kuiwadia memu yako.

MATHAYO 27:19

Hata iji oreserieghe kidombo kwa kifumbi cha kutanya, mkake ukamdumia momu ukighamba, “Kusekaie na ilagho jingi na uo mundu wa hachi, angu ikwau nasumbukie kwa mengi ndodonyi kwa wundu ghwake.”

MATHAYO 27:24

Nao iji Pilato wawona angu ndedimagha kubonya ilagho jingi, na seji nganyi yadima kuzoya, ukawusa machi na kuoghosha vala vake imbiri ya izungu jose ukighamba, “Ini naela kufumanya na bagha ya mundu uhu, agho mughizighane mmbeni.”

MATHAYO 27:4

ukighamba, “Nabonya kaung'a kwa kumfunya mundu wa hachi ubwagho.” Ela awo wikaghamba, “Ijo si ilagho jingi jedu, jizighane kumoni.”

MATHAYO 27:54

Uja m'baa a masikari, na waja wose werekwanyeghe wikimlindia Jesu, wiendawona ugho msughusiko ghwa ndoe na agho ghose gherebonyekieghe, wikashinika na kughamba, “Loli uhu orekoghe Mwana wa Mlungu.”

LUKA 23:40

Ela uja mmbiwi mmbao ukamkemia ukighamba, “Oho ndekumuobuagha Mlungu kwa kukaia kwatanywa karakara na uo moni?

LUKA 23:42

Nao ukaghamba, “Ee Jesu, kunikumbuke idime kuchagha kwa wuzuri ghwako.”

1 WATHESALONIKE 2:10

Inyo mo mashahidi, na Mlungu wori ni mshahidi, kukaia tabia edu aghadi konyu inyo warumirii erekoghe ielie, ndicha, na isewadie ikosa jingi;

JAKOBO 4:7

Kwa huwu, mkusere mmbeni aisi ya Mlungu. Mtangalenyi Ibilisi, nao uchamkimbia.

1 PETRO 1:19

ela kwa bagha ya zoghori mbaa ya Kristo, sa ya mwana wa ng'ondi usewadie ikosa hata iboli jingi.

1 PETRO 2:23

Iji oredukaniroghe, nderetumbulieghe kwa kudukana; iji oretiriroghe, nderekumbieghe mndungi wowa; ela orekusaghikieghe kwa Mlungu uo utanyagha hachi.