LUKA 22:31 - Biblia Ilagho Jiboie Kwa Wandu Wose

³¹ “Simoni, Simoni! Ola Shetani wawusa rusa emtima inyo, na kumuela-ela sa iji ngano ielwagha.

LUKA 22:31 ပူးပေါင်းရင်းမြစ်များ

ISAYA 28:28

Huwo koni mundu ndekabagha ngano yake ngelo rose sa kuinona, ela uo waichi kuikaba hata kwa igare ja farasi kuseko na kuinona ndembe raro.

AMOSI 9:9

“Nichafunya momu na kuwisughusa wandu wa Israeli aghadi ya iro mbari ra wandu seji wandu wichekechagha ngano na kichekecho. Nichawichekecha na kuinja wose wisefwanagha.

ZEKARIA 3:1

BWANA ukaniwonyera Mkohani M'baa Joshua ukikaia kimusi imbiri ya malaika wa BWANA, na Shetani uko kimusi chia ya mkonu ghwake ghwa kiwomi upate kumshitakia.

MATHAYO 26:30

Nao wiendabora lumbo, wikafuma wikaghenda cha Mghondi ghwa Mizeituni.

MATHAYO 4:10

Niko Jesu ukamzera, “Ghenda noko Shetani! Yaandikilo, ‘Kumtase Bwana Mlungu wako, na kumdumikia uo moni uekeri.’”

LUKA 10:41

Ela Bwana ukamtumbulia, “Marita, Marita, kwaja wasi na kusumbulwa ni maza nyingi;

MABONYO GHA WADUMI 9:4

Ukaghwa andonyi, ukasikira lwaka lukimzera, “Sauli, Sauli! Kwaki kunikorongagha?”

1 WAKORINTHO 5:5

mundu uo mumneke Shetani, mumbi ghutotesho, eri roho yake ikiro ijo Ituku ja Bwana Jesu.

2 WAKORINTHO 2:11

kwa kumtangala Shetani usepate wulalo aighu edu; angu daichi mipango yake.

1 PETRO 5:8

Kaienyi na akili mchereshe. M'maiza onyu, uo Ibilisi, waawuyamara-mara sa shimba irurumagha ikimlola mndungi ipate kumja.

WUFUNUO 12:10

Ngasikira lwaka lubaa mlungunyi lukighamba, “Idana kukia kwa Mlungu odu kwameria kucha; na uko kudima kwake, na wuzuri ghwake, na iyo nguma ya Kristo wake; angu uo mshitaki uwishitakiagha wanidu kio na dime imbiri ya Mlungu wameria kupotolwa.