LUKA 22:19 - Biblia Ilagho Jiboie Kwa Wandu Wose

¹⁹ Ukawada mkate, ukafunya chawucha, ukaghuchikanya ukawineka ukighamba, “Ughu nigho mumbi ghwapo [ghufunywagha kwa wundu ghonyu, bonyenyi huwu kwa kunikumbuka ini.”

LUKA 22:19 ပူးပေါင်းရင်းမြစ်များ

ZABURI 111:4

BWANA wabonya kazi rake ra mashiniko rikumbuko; wachua mvono na wughoma.

LUMBO 1:4

Nido cha kwako dighende, Mzuri ndenido na kuningira chumbenyi kwake; dichaboilwa chiaimweri, na kulukuma lukundo lwako kuchumba divei; si ishiniko jingi oho kukundwa ni waka.

EZEKIELI 37:11

Niko Mlungu ukanizera, “Mwana wa mdamu, maindi agha ni wandu wose wa Israeli. Wadaghamba, ‘Maindi ghedu ghaomie na isuwirio jamerie kusia, deesia putu.’

EZEKIELI 5:5

Bwana MLUNGU waghamba huwu, “Wona Jerusalemu, muzi nighuwikie ghadi na ghadi ya iro mbari ra wandu, na masanga ghighumare chia rose.

DANIELI 2:38

Sena wakunekie wadamu andu kose wiko, na nyamandu ra isakenyi, na nyonyi ra mbeonyi, kupate kubonya nguma aighu yawo wose. Oho ko icho chongo cha dhahabu.

MATHAYO 14:19

Ukafunya momu wandu wisee kidombo anyasinyi; ukaiwusa ija mikate na samaki iwi; ukazighana aighu mlungunyi ukairasimia na kuichukanya, ukawineka wanughi wake, nawo wikaineka ijo izungu.

MATHAYO 15:36

Ukaiwada ija mikate mfungade na duja dusamaki, ukamfunyira Mlungu chawucha, ukaichikanya ukaineka wanughi, nao wikawiwaghia wandu.

LUKA 22:17

Nao ukachiwada kikombe, hata iji wameria kufunya chawucha ukaghamba, “Koonyi ichi mmbaghiane mmbose,

LUKA 22:20

Na wokoni nyuma ya vindo ukawada kikombe ukighamba, “Kikombe ichi ni ilaghano iwishi kwa bagha yapo idikagha kwa wundu ghonyu.]

LUKA 24:30

Hata iji wasea kidombo uje vindo andwamweri nawo, ukawada mkate, ukaghurasimia, ukaghuchikanya ukawineka.

JOHANE 6:23

Elaima, mashua zima rifumie Tiberia, rerechieghe andu aho wandu werejieghe mikate iji Bwana oremfunyireghe Mlungu chawucha.

JOHANE 6:51

Ini nuo ugho mkate ghuko moyo ghoreserieghe kufuma mlungunyi. Mndungi ukaja mkate ugho, uchakaia moyo kwa kala na kala. Na mkate nichaaghufunya kwa wundu ghwa irangi ja wurumwengu, ni mumbi ghwapo.”

1 WAKORINTHO 10:16

Icho kikombe cha irasimio dichifunyiragha chawucha-lee, ndechiko ngara na bagha ya Kristo anguwada? Ugho mkate dighuchikanyagha-lee, ndeghuko ngara na mumbi ghwa Kristo anguwada?

1 WAKORINTHO 10:4

na wose wikanywa kunywa kumweri kwa kiroho. Angu werenyueghe kufuma kwa ijo Igho ja kiroho, ijo jerewinughieghe; na Igho ijo jerekoghe Kristo.

WAGALATIA 1:4

uo orekufunyireghe moni kwa wundu ghwa kaung'a redu, upate kudikira na ngelo rizamie ra matuku agha, karakara na lukundo lwa Mlungu Aba odu;

WAGALATIA 4:25

Idana Hagari nuo Mghondi ghwa Sinai ghuko Arabu, nao wafwanana na Jerusalemu iko idana; muzi ghuko wuzumbenyi chiaimweri na wana wake.

WAEFESO 5:2

Nenyo mghende kwa lukundo, sa iji koni Kristo oredikundieghe, na kukufunya moni kwa wundu ghodu, ukaie ifunyo na kizongona cha marumba mecha kwa Mlungu.

1 WATHESALONIKE 5:18

funyenyi chawucha kwa maza rose; angu huwo niko Mlungu ukunde konyu inyo muko andenyi ya Kristo Jesu.

TITO 2:14

Uo orekufunyireghe moni kwa wundu ghodu, upate kudikombua kufuma kwa makosa ghose, na kukueleshera moni wandu wake, awo wifungagha ndighi kwa mabonyo mecha.

1 PETRO 2:24

Kristo moni oreridukieghe kaung'a redu mumbinyi kwake aighu ya mudi, eri dipate kufwa cha kaung'enyi, na kukaia moyo cha hachinyi. Kwa makabo ghake, moreombochologhe.