LUKA 21:26 - Biblia Ilagho Jiboie Kwa Wandu Wose

²⁶ Wandu wichazimia kwa wowa, wikiweseria icho chichaaghupata wurumwengu, kwa kukaia ndighi ra mlungunyi richasukwa-sukwa.

LUKA 21:26 ပူးပေါင်းရင်းမြစ်များ

ISAYA 5:30

Wicharuma ituku jija sa kuruma kwa bahari, na uo uchaazighana uchawona kira na wasi; mwengere ghwaro ghwafinikirwa ni mawingu gharo.

WALAWI 26:36

“Na wamzenyu wisigharikagha wubarishonyi, nichawingiria kiture cheobua wamaiza wawo, hata malemba ghapotolwa ni mbeo, ghichawibonya wikimbie sa iji wandu wikimbiagha wudenyi; nawo wichaghwa kuseko na kuwingwa ni mndungi.

MATHAYO 24:29

“Nyuma ya wasi ghwa matuku ghaja, iruwa jichawuya kira, na mori ndeghuchaafunya miengere yaro anduangi; nyerinyeri richakaia rikipotoka kufuma mlungunyi, nandighi ra mlungunyi richasukwa-sukwa.

MARKO 13:25

Nyerinyeri richakaia rikipotoka kufuma mlungunyi, nandighi ra mlungunyi richasukwa-sukwa.

LUKA 21:25

“Kuchakaia na alama andenyi ya iruwa, mori na nyerinyeri, na ndoenyi mbari richakaia na wasi na kukambwa ni chongo, kwa wundu ghwa mirurumo ya bahari na mivo-mivo yaro.

LUKA 21:27

Niko aho wichaammbona Mwana wa Mdamu ukicha andenyi ya iwingu uko nandighi na wubaa mungi.