LUKA 21:12 - Biblia Ilagho Jiboie Kwa Wandu Wose

¹² Ela imbiri ya maza iri rose kuwoneka, wichammbwada inyo na kumtirira, wichamghenja mandunyi ya sunagogi, wipate kumngira kifungonyi, mchaghenjwa imbiri ya wazuri na awo wibonyagha nguma, kwa wundu ghwa irina japo.

LUKA 21:12 ပူးပေါင်းရင်းမြစ်များ

MATHAYO 22:6

Na waja weresigharikieghe, wikawiwada wadumiki wake, wikawibonya kiwiwi wikawibwagha.

MATHAYO 24:8

Ela maza iri rose ni sa kuzoya kulumwa kwa kuva.

LUKA 21:11

kuchakaia na misughusiko mibaa ndoenyi, njala na saka rizamie andu kuzima kuzima, kuchakaia na maza mbaa reobosha riwonekagha mawingunyi.

JOHANE 15:20

Jikumbukenyi jija ilagho neremghorieghe, ‘Mdumiki ndekaiagha m'baa kuchumba bwana wake.’ Ngera werenitiririeghe ini, wichamtirira na inyo wori; ngera werejiwadieghe ilagho japo, wichajiwadia na jenyu wori.

JOHANE 15:21

Ela wicham'bonyera maza iri rose kwa wundu ghwapo, angu ndewimwichi uo orenidumieghe anduangi.

MABONYO GHA WADUMI 22:30

Ela nakesho, m'baa wa majeshi ukikunda kumanya nicha ni malaghoki Paulo wawuyashitakilwa nagho ni Wayahudi, ukamfungua; ukafunya momu Mkohani M'baa chiaimweri na mwandu ghukwane, ukamreda Paulo na kummbika imbiri kwawo.

MABONYO GHA WADUMI 5:40

wikawiwanga wadumi wingie, wikawikaba na kuwilaghira wiseghore ilagho jingi kwa irina ja Jesu, wikawisigha wighende.

MABONYO GHA WADUMI 8:3

Ela Sauli ukatima kujinona Ikanisa na ndighi; nao ukingia nyumba kwa nyumba, ukawikurudua womi na waka na kuwingira jela.

MABONYO GHA WADUMI 9:4

Ukaghwa andonyi, ukasikira lwaka lukimzera, “Sauli, Sauli! Kwaki kunikorongagha?”

1 PETRO 2:13

Mkuwike aisi ya kula nguma ya mdamu kwa wundu ghwa Bwana, ngera ni kwa mzuri, sa m'baa;

WUFUNUO 2:10

Kusakeobua agho matiriro ghichaakuchea. Olenyi wamu wenyu mwalighisa kungirwa kifungonyi ni Ibilisi, upate kumtima; nenyo mchatirirwa matuku ikumi. Kukaie mloli hata kufwa, nani nichakuneka kirumbu cha irangi.