LUKA 20:36 - Biblia Ilagho Jiboie Kwa Wandu Wose

³⁶ angu ndewiwuyaafwa sena anduangi, kwa kukaia wakaia karakara na weke malaika, nawo ni wana wa Mlungu, angu wameria kuruka kufuma kwa wafu.

LUKA 20:36 ပူးပေါင်းရင်းမြစ်များ

ISAYA 25:8

Bwana MLUNGU uchachiinja kifwa kwa kala na kala, nao uchariaghia mbori rose mesonyi kwawo, na kughiinja masholio gha wandu wake ndoenyi kose; kwa kukaia BWANA wajighora ilagho iji.

HOSEA 13:14

Nichawikira awandu na wurumwengu ghwa wafu; nichawikombua na ndighi ra kifwa. Ee kifwa luvia lwako loko hao? Sichaakaia na wughoma ghungi,

ZEKARIA 3:7

kukaia, BWANA Uwadie-Ndighi-Rose waghamba, “Kukawadia sharia rapo, na kukatisha kazi kunekelo kuribonye, kuchadua mzighaniri wa Hekalu yapo, na chukumbi raro; nani nichasikira malombi ghako, seji nawuyasikira malombi gha weke malaika awa wawuyakaia kimusi aha imbiri kwapo.

MATHAYO 22:30

Angu iji wafu wichaaruka wichakaia sa weke malaika wiko mlungunyi, ndewichaalowua hata ndewichaalowolwa anduangi.

MARKO 12:25

Angu iji wafu wichaaruka, ndewichaalowua hata ndewichaalowolwa anduangi, ela wichakaia sa weke malaika wiko mlungunyi.

WAROMA 8:16

Uja Roho moni washuhudia andwamweri na roho redu kukaia deko wana wa Mlungu,

1 WAKORINTHO 15:26

M'maiza wa kutua uchaatoteshwa ni kifwa.

1 WAKORINTHO 15:42

Na kuruka kwa wafu ni huwo koni. Mumbi ghwarikwa ghwa kuwoa, nagho ghwarukishwa ghusewadie kuwoa kungi.

1 WAKORINTHO 15:49

Na sa iji koni dereidwaeghe fwana ya mundu wa teri, huwo koni dichaidwa fwana ya mundu wa mlungunyi wori.

WAFILIPI 3:21

uo uchaaighalusa mimbi edu ya wunyonge ifwanane na mumbi ghwake ghwa wubaa, kwa iro ndighi rimdimishagha kuvibonya vilambo vose vikaie aisi kwake.

WUFUNUO 20:6

Mrasimilwa na mweli ni uo uko andenyi ya uko kuruka kwa imbiri. Kwa wandu awo, icho kifwa cha kawi ndechiwadie ndighi ringi anduangi; ela wichakaia wakohani wa Mlungu na wa Kristo, nawo wichabonya nguma andwamweri nao, miaka elfu.

WUFUNUO 21:4

Uchawiaghia mbori rose mesonyi kwawo, na kifwa chingi ndechichaakaia sena anduangi, hata wasi, hata kukema, hata kuwawa kungi; angu maza ra imbiri rameria kuida.”

WUFUNUO 22:9

Ela uo ukanizera, “Kusakebonya huwo! Ini ne mdumiki sa kumoni, na sa wanyinyu awo walodi na awo wighiwadiagha malagho gha wulodi ghwa chuo ichi; kumtase Mlungu.”