LUKA 2:4 - Biblia Ilagho Jiboie Kwa Wandu Wose

⁴ Na Josefu wori wa muzi ghwa Nazareti, ukajoka kufuma Galilaya kwenda Judea muzi ghwa Daudi, ghuwangwagha Bethlehemu, angu orekoghe wa kivalwa cha Daudi;

LUKA 2:4 ပူးပေါင်းရင်းမြစ်များ

KUZOYA 35:19

Kwa huwo Raheli ukafwa, ukarikwa mbai na mbai ya chia eghenda Efrata (nigho Bethlehemu.)

KUZOYA 48:7

Angu iji nerekoghe nikicha kufuma Padani, nerepatiroghe ni wasi kwa kufuilwa ni mayo Raheli chienyi isanga ja Kanaani, navika kaavui na Efrata, nani ngamrika aho mbai na mbai ya chia eghenda Efrata, (nigho Bethlehemu.)”

MIKA 5:2

BWANA waghamba, “Bethlehemu Efrata, koko mtini putu aghadi ya mizi yose ya Juda; ela nichawusira m'bonyi nguma kufuma kwako, nao uchakaia m'bonyi nguma wa Israeli ufumagha kwa kichuku icheni cha kala.”

MATHAYO 1:20

Nao iji orekoghe ukighiririkanya malagho agho, malaika wa Bwana ukamfutukia kwa ndodo ukamzera, “Josefu mwana wa Daudi, kusakeobua kummbusa mkako Maria, angu kifu uko nacho ni kwa ndighi ra Roho Mweli.

MATHAYO 2:23

ukakaia muzi ghuwangwagha Nazareti; eri malagho ghighorelo ni walodi ghikatisho ghighambagha, “Uchawangwa Mnaziri.”

LUKA 2:3

Wandu wose wikaghenda kuandikishwa, kula umu kwa muzi ghwake.

LUKA 2:5

uandikisho andwamweri na mchumba wake Maria, nao orekoghe na kifu.

LUKA 4:16

Nao ukacha Nazareti andu oreleleloghe, ukangia sunagoginyi ituku ja Sabato karakara na mzango ghwake.

JOHANE 1:46

Nathanaeli ukamzera, “Idimika kilambo chingi chiboie chifume Nazareti?” Filipo ukamzera, “Choo kuwone.”

JOHANE 7:42

Maandiko ndeghighorie angu Kristo uchafuma kwa kivalwa cha Daudi na kuvalwa Bethlehemu muzi orekaieghe Daudi?”

RUTHU 1:19

Wikaghenda wose wawi hata wikavika Bethlehemu. Hata iji wavika Bethlehemu, muzi ghose ghukanyavurika, na waka wa ugho muzi wikakotia, “Sena ni Naomi uhu?”

RUTHU 2:4

Boazi ukacha kufuma Bethlehemu, ukawizera waja werekoghe wikikuwida, “BWANA ukaie nenyo!” Nawo wikatumbulia, “BWANA ndekurasimie.”

RUTHU 4:11

Waghosi na wandu wose werekoghe aho wikaghamba, “Ee, isi dakaia washahidi. Mlungu ndem'bonye uo muka uchagha nyumbenyi kwako ukaie sa Raheli na Lea awo weremvaieghe Jakobo wana wengi. Kuchurikie na kukaia m'baa kwa kichuku cha Efrata na kukaia na sare iboie Bethlehemu.

RUTHU 4:17

Waka wiko kaavui wikakaia wikiwighoria wandu, “Naomi wavailo mwana wa womi;” nawo wikammbanga Obedi. Obedi nuo ndee wake Jese uo ucheewuya ndee wake Daudi.

1 SAMUELI 16:1

BWANA ukamzera Samueli, “Kumsirimikia Sauli hata lii, na oho kwawonie kukaia ini namerie kumlegha usekaie mzuri aighu ya Israeli? Idana chura lwembe lwako mavuda, kughende Bethlehemu mzinyi kwa mundu uwangwaghwa Jese; kwa kukaia namerie kumsaghua umu wa wana wake ukaie mzuri.”

1 SAMUELI 16:4

Samueli ukabonya sa iji koni BWANA oremlaghirieghe; ukacha Bethlehemu. Wabaa wa muzi wikacha kummara wikisughusika, wikaghamba, “Kwaawuyacha kwa sere?”

1 SAMUELI 17:12

Daudi orekoghe mwana wa Jese, Muefrate umu wa Bethlehemu isanga ja Juda; mundu uo orekoghe na wana wa womi wunyanya, na ngelo Sauli uko mzuri, Jese orekoghe waghosia nandighi umanyikie wandunyi.

1 SAMUELI 17:58

Sauli ukamzera Daudi, “Wele mdawana, ko mwana wani?” Daudi ukatumbulia, “Ini ne mwana wa mdumiki wako Jese, M'bethlehemu.”

1 SAMUELI 20:6

Iji ndeyo wanisowa putu, kumzere, ‘Daudi wanivoya nandighi nimneke rusa ughende mzinyi mzawo Bethlehemu, kwa kukaia kizongona cha kula mwaka chaawuyafunywa aho kwa wundu ghwa kinyumba chawo.’