LUKA 2:37 - Biblia Ilagho Jiboie Kwa Wandu Wose

³⁷ Orekoghe na miaka mirongo wunyanya na inya, ukikaia muka ufulo ni mumi wake; nao orekoghe usefumagha Hekalunyi, ukitasa na kufunga tumu, na kulomba Mlungu kio na dime.

LUKA 2:37 ပူးပေါင်းရင်းမြစ်များ

ZABURI 22:2

Ee Mlungu wapo, nakema nadime, ela ndekuwuenitumbulia; hata nakio, ela siwuehoreshwa.

ZABURI 23:6

Loli wucha na wughoma, ghuchaduanya nani matuku ghose gha irangi japo; nani nichakaia nyumbenyi kwa BWANA matuku ghose.

ZABURI 27:4

Nalombie ilagho jimweri tu kwa BWANA, najo nijo jeni nijilolagha; ja ini kukaia nyumbenyi kwa BWANA matuku ghose gha irangi japo; niwoneghe kughoka kwa BWANA, na kulola wulongozi ghwake andenyi ya Hekalu yake.

ZABURI 84:10

Kusinda Hekalunyi kwako ituku jimweri, kwachumba matuku elfu andu kuzima. Ni baa kukaia mlindiri wa mnyango ghwa nyumba ya Mlungu wapo, kuchumba kukaia andenyi ya mizi ya wandu wawiwi.

ZABURI 84:4

Warasimilwa awo wikaiagha Hekalunyi kwako, wikikuboria makaso matuku ghose.

ZABURI 92:13

Weeka sa midi iwalo andenyi ya nyumba ya BWANA, wideghedekagha andenyi ya Hekalu ya Mlungu odu.

KUFUMA 38:8

Ukabonya beseni ya shaba, na kilambo charo cheiwikiria cha shaba, erebonyeroghe kwa vilole va waka werekoghe wikidumika mnyangonyi ghwa Hema Ekwania.

LUKA 5:33

Nao wandu wamu wikamzera, “Wanughi wa Johane na wa Mafarisayo wadafunga na kulomba kalazi koni, ela wanughi wako wadaja na kunywa.”

MABONYO GHA WADUMI 13:3

Niko nyuma ya kufunga tumu na kulomba, wikawiwikiria mikonu na kuwisigha wighende.

MABONYO GHA WADUMI 14:23

Hata wimeria kuwisaghuya waghosi kula ikanisa, wikilomba na kufunga tumu, wikawiwika kwa Bwana uo weremrumirieghe.

MABONYO GHA WADUMI 26:7

ijo mbari redu ikumi na iwi rawuyasuwiria kujipata, sa iji koni wawuyamtasa Mlungu kio na dime. Nani nashitakilwa ni Wayahudi kwa wundu ghwa isuwirio iji ee Mzuri.

1 TIMOTHEO 5:5

Uo uko muka mkiwa loli, nao oosighwa uekeri, oowika isuwirio jake kwa Mlungu; nao wadadua ukivoya na kulomba Mlungu kio na dime.

WUFUNUO 3:12

Uo usimagha, nicham'bonya ukaie nguro andenyi ya iyo hekalu ya Mlungu wapo, hata najingi ndechaafuma aho anduangi. Nichajiandika irina ja Mlungu wapo aighu kwake, na irina ja muzi ghwa Mlungu wapo, ugho Jerusalemu mmbishi ghuseagha kufuma mlungunyi kwa Mlungu wapo, na irina japo jeni iwishi nichajiandika wori.

WUFUNUO 7:15

Kwa huwo, weko imbiri ya kifumbi cha nguma cha Mlungu, nawo wadamtasa kio na dime andenyi ya hekalu yake; na uo useagha kidombo aighu ya kifumbi cha nguma uchawilindia kwa kukanya nawo.

1 SAMUELI 2:2

“Ndekuwadie mweli ungi uko sa BWANA, hata ndekuwadie ungi okatanishwa nao; ndekuwadie mlindiri ungi sa Mlungu odu.