LUKA 2:26 - Biblia Ilagho Jiboie Kwa Wandu Wose

²⁶ Orekoghe wawonyerwa ni Roho Mweli angu ndechaawona kifwa anduangi, hata ummbone Kristo wa Bwana.

LUKA 2:26 ပူးပေါင်းရင်းမြစ်များ

ZABURI 2:2

Wazuri, wa ndoenyi wakupanga, na wabonyi nguma wabonya njama chiaimweri aighu ya BWANA na aighu ya Msaghulwa wake.

ZABURI 2:6

Uchaghamba, “Nameria kummbika mzuri wapo Sioni, ugho mghondi ghwapo ghwa wueli.”

ZABURI 25:14

BWANA ni mghenyi wa awo wimuobuagha, nao wadawimanyisha ilaghano jake.

ISAYA 61:1

Roho wa Bwana MLUNGU oko aighu kwapo, kwa kukaia BWANA orenishingieghe mavuda, nipate kuwiredia wandu wikorongelo malagho mecha; wanidumie niwirighite awa wifue ngolo, na kuwitangazira wuhuru ghwawo awo wandu widwalo wunyika; na awo wiko kifungonyi, malagho gha kufungulwa kwawo.

AMOSI 3:7

Kwa loli Mlungu ndebonyagha ilagho jingi, usezoe kande kufunukua mpango ghwake kwa wadumiki wake walodi.

MATHAYO 2:12

Nawo wiendawonyerwa ni Mlungu kwa ndodo wisakewuya kwa Herode, wikaghala cha mzawo kwa chia zima.

LUKA 2:29

“Idana Bwana msighe mzumba wako ughende kwa sere, kunughana na ijo Ilagho jako;

LUKA 9:27

Nani namghoria loli, koko na wandu wiko kimusi aha wisechaawona kifwa, hata wameria kughuwona wuzuri ghwa Mlungu.”

JOHANE 1:41

Imbiri ukammbona mruna Simoni, ukamzera, “Dammbona Masiha.” (Kutambua kwaro ni Kristo.)

JOHANE 20:31

Ela agha gheandikwa, inyo mpate kurumiria angu Jesu ni Kristo, Mwana wa Mlungu; na kwa kurumiria kwake, mpate kukaia na irangi kwa irina jake.

JOHANE 4:29

“Choonyi mmbone mundu wanighoria maza rose nereribonyereghe! Kewada uhu nuo moni Kristo-o anguwada?”

JOHANE 8:51

Namghoria loli, uo usikiragha mafundisho ghapo ndechaafwa anduangi.”

MABONYO GHA WADUMI 10:38

Seji Mlungu oremshingieghe Jesu wa Nazareti mavuda kwa Roho Mweli, na kwa ndighi; nao ukamara-mara ukibonya nicha, na kuwiboisa wose werekorongeloghe ni uja Mmbiwi, angu Mlungu orekoghe andwamweri nao.

MABONYO GHA WADUMI 17:3

Ukawiwonyera loli seji erekoghe suti Kristo utiriro na kuruka kufuma kwa wafu ukighamba, “Uhu Jesu nawuyamchilia nuo Kristo.”

MABONYO GHA WADUMI 2:36

“Kwa huwu Waisraeli wose ndewimanye loli, uhu Jesu moremsulubishireghe, Mlungu wam'bonya ukaie Bwana na Kristo wori.”

MABONYO GHA WADUMI 9:20

Nao shwa wori ukazoya kumchila Jesu andenyi ya masunagogi ukighamba, “Jesu ni Mwana wa Mlungu.”

WAEBRANIA 11:5

Kwa irumirio, Enoko oredwaloghe nokoighu usewone kifwa, nao nderewonekieghe anduangi, angu Mlungu oremdwaeghe. Elaima imbiri usedwalo, oreshuhudiloghe kukaia mundu um'boiagha Mlungu.