LUKA 2:25 - Biblia Ilagho Jiboie Kwa Wandu Wose

²⁵ Nao ahoeni Jerusalemu, korekoghe na mundu uwangwagha Simeoni. Mundu uhu orekoghe mundu wa hachi umuobuagha Mlungu, nao orekoghe ukighuwesera ghuja wuhoreshi ghwa Israeli, na Roho Mweli orekoghe aighu kwake.

LUKA 2:25 ပူးပေါင်းရင်းမြစ်များ

KUZOYA 6:9

Ichi nicho kivalwa cha Nuhu. Nuhu orekoghe mundu wa hachi, usezughunukilwagha ni mndungi wa iro ngelo; nao orewadaneghe na Mlungu.

AYUBU 1:1

Korekoghe na mndumu isanga ja Usi, uwangwagha Ayubu. Orekoghe mundu mucha, usewadie wuwiwi ghungi; muoboi Mlungu uleghie mawiwi.

AYUBU 1:8

BWANA ukamkotia Shetani, “Welee, kwammbonie uo mdumiki wapo Ayubu? Ndekuwadie mndungi uko sa uo ndoenyi; mundu ukatie, usewadie wuwiwi ghungi, muoboi Mlungu, uleghie mawiwi.”

ISAYA 25:9

Ngelo iyo, wandu wichaghora, “Olenyi uhu nuo Mlungu odu derekoghe dikimmbeseria upate kudikira. Uhu nuo BWANA derekoghe dikimmbeseria; nesi ndediboilo na kuzuma andenyi ya kukia kwake.”

ISAYA 40:1

Wihoreshe! Wihoreshe wandu wapo, waghamba Mlungu onyu.

MIKA 6:8

Hata! BWANA wadimanyishire ijo jiko icha. Ijo BWANA ujikundagha kodu ni iji: Kubonya ijo jiko ja hachi, kukaia na lukundo lukatie, kukusera na kukaia na wungara na Mlungu odu.

MITALO 11:25

Niko BWANA ukasea andenyi ya iwingu ukaghora na Musa, nao ukawada ifungu ja roho erekoghe na Musa, ukajiwika aighu ya awo waghosi mirongo mfungade; hata iji iyo roho yawiseria, wikafunya wulodi. Ela ndewichebonya huwo sena anduangi.

MITALO 11:29

Ela Musa ukamzera, “Kwawadwa ni iriso wulalo ghwa ini? Nawonagha nicha ngera Roho wa BWANA wadawiseria wandu wake wose wikaie walodi.”

MARKO 15:43

Josefu wa muzi ghwa Arimatea, mundu wa Mwandu unekelo ishima, ukacha. Uo moni orekoghe ukighuwesera Wuzuri ghwa Mlungu, nao ukamghendia Pilato kwa wuwana, ukamlomba mumbi ghwa Jesu.

LUKA 1:41

Elizabeti uendasikira kuroghua kwa Maria, kana kakoo kikachumba kifunyi kwake, nao ukachulwa ni Roho Mweli;

LUKA 1:6

Nawo wose werekoghe wandu wa hachi, wikighenda kwa kuiwadia Sharia na malaghiro gha Mlungu kuseko na ikosa jingi.

LUKA 1:67

Niko Zakaria ndee uja mwana, ukachulwa ni Roho Mweli ukaloda ukighamba;

LUKA 2:38

Nao ukicha kwa saa ija cheni, ukamfunyira Mlungu chawucha, nao ukaghora malagho gha uo mwana worinyi kwa wose werekoghe wikikuweseria kuja kukombolwa kwa Jerusalemu.

LUKA 23:51

uo ndererumirianeghe na njama yawo, hata na ibonyo jawo anduangi; nao orekoghe ukighuweseria Wuzuri ghwa Mlungu.

MABONYO GHA WADUMI 10:2

Orekoghe ukinugha dini na kumuobua Mlungu andwamweri na wandu wake wose. Ukakaia ukifunya makuwio mengi kwa wandu, na kulomba Mlungu matuku ghose.

MABONYO GHA WADUMI 10:22

Nao wikaghamba, “Kornelio, m'baa wa ijeshi, mundu wa hachi, umuobuagha Mlungu, uko na sare iboie kwa mbari yose ya Wayahudi; orezereloghe ni malaika mweli ukudumirie kughende nyumbenyi kwake, upate kusikira agho ghose kuchaaghora.”

MABONYO GHA WADUMI 2:5

Na aho korekoghe na Wayahudi wamu werekoghe wikikaia Jerusalemu; wandu wimuobuagha Mlungu, wifumie kula isanga wurumwengunyi.

MABONYO GHA WADUMI 24:16

Kwa huwo naawuyafunga ndighi matuku ghose nisekaie na ikosa jingi imbiri ya Mlungu, na imbiri ya wandu wori.

WUKUMBUSO 18:15

BWANA Mlungu onyu uchammbusiria mlodi ufumagha aghadi ya wanyinyu uko sa ini; mumsikire.

2 PETRO 1:21

angu na jingi wulodi ghungi ndeghorechieghe kwa ndighi ya mdamu anduangi, ela wandu wereghorieghe malagho ghifumie kwa Mlungu, wikinyavurishwa ni Roho Mweli.