LUKA 2:14 - Biblia Ilagho Jiboie Kwa Wandu Wose

¹⁴ “Wubaa ghukaie kwa Mlungu aighu na ndighi, na sere andoenyi kwa wandu; awo uboilwagha nawo!”

LUKA 2:14 ပူးပေါင်းရင်းမြစ်များ

ISAYA 44:23

Borenyi ee mlungunyi, kwa kukaia BWANA wameria kujibonya ilagho ijo; wusirenyi chwaka renyu inyo andu kumilie kwa ndoenyi; na inyo mighondi borenyi kwa kuboilwa, ee, na kula mudi ghwa msidunyi ndeghubore, kwa kukaia BWANA wameria kumkombua Jakobo nao uchakaswa andenyi ya Israeli.

ISAYA 49:13

Borenyi kwa kuboilwa inyo mlungunyi, na inyo ndoenyi mkabe lukilighili, mighondi ndeibore, kwa kukaia BWANA wawihoresha wandu wake wikorongelo, nao uchakaia na wughoma aighu kwawo.

ISAYA 57:19

nichawibonya awo werekoghe wikilila wichulo ni makaso andenyi ya Israeli. Sere, sere kwa uo uko kula na uo uko kaavui, ini BWANA naghamba, nani nichamkira.

MIKA 5:5

Mundu uo uchareda sere. Muashuri ukawada isanga jedu, na kuchikanya mawurighenyi kodu, dichamdumia vilongozi viwadie ndighi kumchumba wilo nao.

MATHAYO 21:9

Wandu werekoghe kiimbiri chiaimweri na waja werenughieghe na nyuma wikaghora kwa lwaka lubaa: “Hosana kwa Mwana wa Daudi, Warasimiwa uo uchagha kwa irina ja Bwana; Hosana aighu na ndighi.”

LUKA 1:79

kuwilangalishira awo wiko kidombo kirenyi, na andenyi ya kiju cha kifwa; na kulongoza mighendo edu kwa chia ya sere.”

LUKA 19:38

wikighamba, “Nderasimilo Mzuri uo uchagha kwa irina ja Bwana, sere ndeikaie mlungunyi, na wubaa mlungunyi aighu nandighi.”

LUKA 2:13

Nao shwa jikawoneka izungu ja mlungunyi andwamweri na uja malaika, jikimkasa Mlungu na kughamba,

LUKA 2:15

Nao iji weke malaika wereghendighe noko cha mlungunyi kufuma kwawo, awo walisha wikazerana, “Nndokonyi dighende Bethlehemu, diriwone iro maza rakaia, iro damanyishwa ni Bwana.”

LUKA 3:22

na Roho Mweli ukamseria aighu kwake uko na fwana ya mumbi sa mbughi, na lwaka lukafuma mlungunyi, “Oho ko Mwana wapo mkundwa, niboilwagha ni oho loli-loli.”

JOHANE 14:27

“Namsighia sere, sere yapo namneka, simnekagha seji wurumwengu ghubonyagha. Msakeja wasi ngolonyi konyu, hata msakeobua.

JOHANE 17:4

Nakukasa oho aha ndoenyi, naimeria ija kazi koreninekieghe niibonye.

JOHANE 3:16

Angu Mlungu oreghukundieghe wurumwengu, hata ukamfunya Mwana wake uvalwagha wa ititi, uo ose urumiriagha kwake usetote anduangi, ela ukaieghe na irangi ja kala na kala.

MABONYO GHA WADUMI 10:36

Inyo mwamanya ijo ilagho orewighenjereghe Waisraeli, ukichila Ilagho Jiboie ja sere kwa chia ya Jesu Kristo (uo nuo Bwana wa wose).

WAROMA 5:1

Idana angu dameria kutalwa kukaia na hachi kwa irumirio, deko na sere na Mlungu kwa chia ya Bwana odu Jesu Kristo.

WAEFESO 1:6

upate kukaswa kwa wundu ghwa mvono ghwake ghwa wubaa, ugho oredinekieghe duu andenyi ya uo Mkundwa.

WAEFESO 1:9

Angu Mlungu wadimanyishire iyo ngasu ya lukundo lwake, kwa hikima yose na kumanya, kunughana na mpango ghwake oreghuwikieghe andenyi ya Kristo

WAEFESO 2:4

Ela Mlungu, uo uko na wughoma mungi, kwa lukundo lwake lubaa oredikundieghe nalo isi,

WAEFESO 2:7

upate kwa ngelo richagha kuwonyera wungi ghwa mali ra mvono ghwake ghusepimikagha, ghwa kudibonyera mecha andenyi ya Kristo Jesu.

WAFILIPI 2:11

na wandu wose wimghore Jesu Kristo kukaia ni Bwana, kwa wubaa ghwa Mlungu Aba.

WAFILIPI 2:13

angu Mlungu wawuyabonya kazi andenyi konyu, ukimneka nia ekunda na kubonya iro rawuyam'boia uo.

WAKOLOSAI 1:20

na kwa chia ya uo Mwana, uvipatanishe vilambo vose na uo moni; ngera veeka ndoenyi, angu mlungunyi; na kubonya sere kwa chia ya bagha kwa kifwa cha msalaba ghwake.

2 WATHESALONIKE 2:16

Idana Bwana odu Jesu Kristo moni, na Mlungu Aba odu, uo oredikundieghe na kudineka wuhoreshi ghwa ngolo kwa kala na kala, na isuwirio icha, kwa chia ya mvono;

WUFUNUO 5:13

Nao ngasikira kula kindo chiumbilo chiko mlungunyi, na ndoenyi, na andoenyi na kosi, na andenyi ya bahari, vilambo vose viko vikighamba, “Kwa uo useagha kidombo aighu ya kifumbi cha nguma, na kwa Mwana wa Ng'ondi, ndeghikaie makaso, ishima, wubaa, na kudima kwa kala na kala.”