LUKA 2:13 - Biblia Ilagho Jiboie Kwa Wandu Wose

¹³ Nao shwa jikawoneka izungu ja mlungunyi andwamweri na uja malaika, jikimkasa Mlungu na kughamba,

LUKA 2:13 ပူးပေါင်းရင်းမြစ်များ

KUZOYA 28:12

Nao ukaloda ndodo, ukawona ngazi yadungwa andoenyi, na mudo ghwaro ghwavika mlungunyi; na weke malaika wa Mlungu werekoghe wikijoka na kusea kwa iyo ngazi.

1 WAZURI 22:19

Mikaia ukaghamba, “Idana sikira ilagho ja BWANA: Neremmbonieghe BWANA wasea kidombo aighu ya kifumbi chake cha nguma; na majeshi ghose gha mlungunyi ghikakaia kimusi kummaria mbai mbai chia rose.

AYUBU 38:7

Ngelo iyo, nyerinyeri ra nakesho rereborieghe chiaimweri, na weke malaika wose wikazuma kwa kuboilwa.

ZABURI 148:2

Malaika wose ndewimkase; ijeshi jake jose ndejimkase.

ZABURI 68:17

BWANA wacha andu kwake kuelie kufuma Sinai, na maelfu gha magare ghiwadie ndighi.

EZEKIELI 3:12

Niko Roho wa Mlungu ukaniwusira nokoighu, nani ngasikira lwaka nanyuma yapo, lwaka lubaa losughusa ndoe lukighamba, “Wubaa ghwa BWANA ndeghukaso mlungunyi koighu.”

DANIELI 7:10

Kamoda ka modo kerefumieghe, na kuida imbiri kwake. Maelfu gha wandu werekoghe wikimdumikia, na mamilioni gha wandu, werekaighe kimusi imbiri kwake. Koti etanya ikawikwa, na vuo wikakuchulwa.

LUKA 15:10

Namghoria, huwo koni koko na kuboilwa kwa weke malaika wa Mlungu, kwa wundu ghwa mkaung'a umweri uheagha.”

LUKA 2:12

Na ihi niyo alama emmbonyera, mchakiwona kana kakoo karighirilwa nguwo ra kiwanake, kararishwa andu mfugho rijiagha kiwandenyi.”

LUKA 2:14

“Wubaa ghukaie kwa Mlungu aighu na ndighi, na sere andoenyi kwa wandu; awo uboilwagha nawo!”

WAEFESO 3:10

ipate kukaia kwa chia ya ikanisa, hikima ya Mlungu iko kwa chia zima-zima, imanyike idana kwa wabaa na awo wiwadie ndighi wa malalo gha mlungunyi.

1 TIMOTHEO 3:16

Ni wushuhuda ghusedimagha kukanwa kukaia, iyo ngasu ya dini yedu ni mbaa na ndighi: Orewonekieghe worinyi kwa mumbi, ukarumirilwa kukaia na hachi ni Roho; Ukawonwa ni weke malaika, ukachilwa aghadi ya wandu wa iro mbari; ukarumirilwa wurumwengunyi, ukadwalwa aighu mlungunyi kwa wubaa.

WAEBRANIA 1:14

Welee, weke malaika wose si roho ridumikagha, ridumilo ripate kudumika kwa wundu ghwa awo wipatagha kukia anguwada?

1 PETRO 1:12

Nawo wikafunukuilwa angu ndewerekoghe wikikudumikia weni; ela ni inyo, kwa iro maza rimerie kuereshwa konyu ni awo weremchilieghe Ilagho Jiboie, kwa chia ya Roho Mweli uo oredumiloghe kufuma mlungunyi; na iro maza, weke malaika wakunda nandighi kurizighana.

WUFUNUO 5:11

Niko ngazighana, nani ngasikira chwaka ra weke malaika wengi na ndighi, maelfu na maelfu, wiko mbai mbai ya icho kifumbi cha nguma, na iro nyamandu riko moyo, na awo waghosi, wikighamba kwa lwaka lubaa,