LUKA 19:29 - Biblia Ilagho Jiboie Kwa Wandu Wose

²⁹ Hata iji walighisa kuvika Bethfage na Bethania, kaavui na Mghondi ghwa Mizeituni, ukawiduma wanughi wake wawi

LUKA 19:29 ပူးပေါင်းရင်းမြစ်များ

ZEKARIA 14:4

Ituku ijo, BWANA uchakaia kimusi aighu ya Mghondi ghwa Mizeituni kulangaya cha mashariki ya Jerusalemu. Niko Mghondi ghwa Mizeituni ghuchawaghika vibelele viwi kufuma mashariki hata magharibi na vololo mbaa aghadi. Nusu imu ya mghondi ichakaia cha kaskazinyi, na nusu imu ichakaia cha kusinyi.

MATHAYO 21:17

Nao ukawisigha, ukafuma shighadi ya muzi ukaghenda Bethania ukalala aho.

LUKA 19:30

ukawilaghira huwu, “Ghendenyi ghuja muzi ghwa kimonu, mkakangia mummbona mwana wa punda ufungilo, jingi usejokelo ni mndungi. Mfunguonyi mumrede aha.

LUKA 19:37

Hata iji wavika kaavui na Jerusalemu, ija chia eseria Mghondi ghwa Mizeituni, izungu jose ja wanughi wikazoya kuboilwa na kumkasa Mlungu kwa lwaka lubaa kwa wundu ghwa iro maza mbaa wereriwonieghe;

LUKA 21:37

Na kula ituku, Jesu orekoghe ukifundisha Hekalunyi, ela nakio orekoghe ukifuma kwendalala aighu ya Mghondi ghwa Mizeituni.

LUKA 22:39

Nao Jesu ukafuma, na sa iji koni mzango ghwake ghorekoghe, ukaghenda cha Mghondi ghwa Mizeituni, na wanughi wake wikamnugha.

LUKA 24:50

Niko ukawifunya shighadi ya muzi hata Bethania, ukaiwusira mikonu yake ukawirasimia.

MABONYO GHA WADUMI 1:12

Nao wadumi wikawuya Jerusalemu kufuma mghondinyi ghuwangwagha Mghondi ghwa Mizeituni, kaavui na Jerusalemu sa charo cha kilometa imweri.