LUKA 19:17 - Biblia Ilagho Jiboie Kwa Wandu Wose

¹⁷ Nao ukamzera, ‘Kwabonyere nicha, mdumiki uboie oho! Kwa kukaia korekoghe mloli kwa rija ndini, kuchabonya nguma aighu ya mizi ikumi!’

LUKA 19:17 ပူးပေါင်းရင်းမြစ်များ

KUZOYA 39:4

Josefu ukarumirikia mesonyi kwake, nao ukam'bonya ukaie mdumiki wake, sena ukammbika ukaie m'baa aighu ya vilambo na nyumba yake yose.

MAKATANISHO 27:18

Mundu ughulindiagha mtini, uchaja matunda gharo; na uhu umlindiagha bwana wake, uchabonyerwa ishima.

MATHAYO 25:21

Bwana wake ukamzera, ‘Mdumiki mucha oho, sena wa loli; korekoghe mloli kwa iro riko ndini, nichakuwika aighu ya iro riko mbaa. Ngia kuboilo andwamweri na bwana wako.’

LUKA 16:10

Uo uko mloli kwa ghaja matini na ndighi, oko mloli kwa ghaja mabaa wori, na uo useko mloli kwa kaja katini na ndighi, ndeuko mloli kwa ghaja mabaa wori.

LUKA 19:16

Ukacha wa imbiri ukaghamba, ‘Bwana, nashamie na feza yako ngapata feza rimu ikumi.’

LUKA 19:18

Ukacha wa kawi ukaghamba, ‘Bwana nashamie na ngapata feza rimu isanu!’

LUKA 22:30

mpate kuja na kunywa mezenyi kwapo, kwa wuzuri ghwapo; na kusea kidombo vifumbinyi va nguma, mkiritanya iro mbari ikumi na iwi ra Israeli.”

WAROMA 2:29

Ela Myahudi wa loli ni uo uko Myahudi nandenyi, na kushamishwa kwa loli ni uko kwa ngolonyi, kwa kiroho; siko kuja kwa Sharia iandikilo anduangi. Nao wadakaswa ni Mlungu, ndekaswagha ni wadamu anduangi.

1 WAKORINTHO 4:5

Kwa huwo msaketanya imbiri ya ngelo, Bwana usechee; uo uchaariwika mwengerenyi maza rivisiro kirenyi idana, nao uchaifunukua mipango ya ngolo ra wandu. Niko kula mundu uchapata kukaswa kwake kufuma kwa Mlungu.

2 TIMOTHEO 2:10

Kwa huwu narumaghia maza rose kwa wundu ghwa wasaghulwa, eri nawo wipate kukia andenyi ya Kristo Jesu, na kupata ugho wubaa ghwaro ghwa kala na kala.

1 PETRO 1:7

eri wuloli ghwa irumirio jenyu jiko ja zoghori mbaa kuchumba dhahabu, iyo hata ngera ni etota, yadatimwa kwa modo; jipate kumredia kukaswa, na wubaa, na ishima, ngelo ya kufunukulwa kwa Jesu Kristo.

1 PETRO 5:4

Na iji Mlisha M'baa wa ng'ondi wawoneka, mchapata kirumbu cha wubaa chisesiagha anduangi.

1 SAMUELI 2:30

Ini BWANA Mlungu wa Israeli nerelaghirieghe kukaia oho na kivalwa chako chichanidumikia kwa wukohani matuku ghose; ela idana, naghamba agho sichaaghibonya putu; kwa kukaia nadawitala awa winitalagha, na kuwimenya awo winimenyagha.