LUKA 19:12 - Biblia Ilagho Jiboie Kwa Wandu Wose

¹² Niko ukaghamba, “Mundu umu m'baa wa ishima oredambieghe isanga ja kula ukupatire wuzuri, ima uwuye.

LUKA 19:12 ပူးပေါင်းရင်းမြစ်များ

MATHAYO 21:38

Ela iji awo walimi wammbona uja mwana, wikaghamba weni na weni, ‘Uhu ni mundu wa ifwa. Nndokonyi dim'bwaghe ifwa jipate kuwuya jedu.’

MATHAYO 28:18

Jesu ukawichea ukawizera, “Namerie kunekwa nguma rose mlungunyi na ndoenyi.

MARKO 12:1

Jesu ukazoya kughora nawo kwa mifwano. “Mundu umu orelimieghe mbuwa ya mizabibu, ukairighia masanju, ukakota kina chekamia zabibu, ukaagha mnara. Ukaipangisha mbuwa iyo kwa walimi, nao moni ukadamba cha isanga izima.

MARKO 16:19

Nao Bwana Jesu, nyuma ya kughora nawo ukadwalwa noko aighu mlungunyi, ukasea kidombo chia ya mkonu ghwa kiwomi ghwa Mlungu.

LUKA 20:9

Niko Jesu ukawighoria wandu mfwano ughu: “Korekoghe na mundu umu orewaeghe mbuwa ya mizabibu, ukaipangisha walimi, ukadamba noko cha isanga ja kula kwa ngelo ndacha.

LUKA 24:51

Nao iji orekoghe ukiwirasimia, ukatana nawo, ukadwalwa noko aighu mlungunyi.

JOHANE 18:37

Niko Pilato ukamkotia, “Kwa huwo oho ko mzuri-e?” Jesu ukamtumbulia, “Ni oho kwaghamba angu ne mzuri. Nani nerevaloghe na kucha wurumwengunyi kwa wundu ughu ghoni, niwighorie wandu iyo loli. Kula mundu uko andenyi ya iyo loli wadanisikira.”

MABONYO GHA WADUMI 17:31

Angu wawikie ituku jechaghutanya wurumwengu kwa hachi, kwa mundu uo oremmbikieghe; nao wawiwonyera wandu wose wuloli ghwa ilagho ijo kwa kumrukisha mundu uo kufuma kwa wafu.”

1 WAKORINTHO 15:25

Angu ni suti Kristo ubonye nguma, hata Mlungu wameria kuwisima wamaiza wake wose, na kuwiwika aisi ya maghu ghake.

WAEBRANIA 9:28

huwo koni Kristo, umeria kufunywa indo jimweri uriduke kaung'a ra wengi, uchawoneka indo ja kawi; si kwa wundu ghwa kulwa na kaung'a, ela upate kuwikira awo wose wawuyammbesera kwa kufunga ndighi.

1 PETRO 3:22

uo umerie kughenda mlungunyi, nao oko chia ya mkonu ghwa kiwomi ghwa Mlungu; ukiwibonyera nguma weke malaika, na awo wibonyagha nguma na kudima.

WUFUNUO 1:7

Olenyi uacha mawingunyi, na kula iriso jichammbona, na kula mundu oremdungieghe, na wandu wa mbari rose ra ndoenyi, wichakema mchungu kwa wundu ghwake. Niko koni. Amen.