LUKA 18:7 - Biblia Ilagho Jiboie Kwa Wandu Wose

⁷ Welee, na Mlungu nao ndechaawitanyira hachi wasaghulwa wake wimliliagha kio na dime anguwada? Loli uchamuka kuwitesia?

LUKA 18:7 ပူးပေါင်းရင်းမြစ်များ

ZABURI 88:1

Ee BWANA Mlungu wapo, nakulilia kio na dime ngilomba wutesia.

ZABURI 9:8

Uchaghutanya wurumwengu kwa loli, na kuwibonyera wandu nguma kwa hachi.

KUFUMA 22:23

Mkawikoronga nao winililie, loli nichasikira kililo chawo,

ISAYA 40:27

Kwaki kudedagha ee Jakobo? Kwaki kughoragha ee Israeli, “Navisikie mesonyi kwa BWANA, na hachi rapo nderiwuetalwa ni Mlungu wapo?”

HABAKUKI 2:3

Kwa kukaia ngelo ya agho mawono kukatia ndeivikie; ela ngelo yaro iacha. Ikafwana kumuka, kuiweserie; angu loli ichacha ndeichaamuka anduangi.

MATHAYO 24:22

Na ngera agho matuku ghiserepunguziroghe, kumangu mndungi ndekiagha anduangi; elaima kwa wundu ghwa awo wasaghulwa, Mlungu uchaghipunguza matuku agho.

MATHAYO 24:24

Angu wichawuka weke Kristo wa tee na walodi wa tee; wichawonyera weke mwakilimbiti wengi na mashiniko; wipate kuwilaghasha ngera idimika hata awo wasaghulwa.

MATHAYO 7:11

Ikakaia inyo muko wawiwi mwaichi kuwineka wana wenyu vilambo viboie, Ndeyo onyu uko mlungunyi ndechaachumba kuwineka mecha ghose awo wamlombagha anguwada?

LUKA 11:13

Ikakaia inyo muko wawiwi, mwaichi kuwineka wana wenyu manosi mecha, Aba wa mlungunyi uchachumba saki kuwineka Roho Mweli awa wimlombagha?”

LUKA 2:37

Orekoghe na miaka mirongo wunyanya na inya, ukikaia muka ufulo ni mumi wake; nao orekoghe usefumagha Hekalunyi, ukitasa na kufunga tumu, na kulomba Mlungu kio na dime.

LUKA 21:28

Maza iri rikazoya kuwoneka, mkaie kimusi na kuwusira vongo venyu noko ighu, angu kukombolwa konyu kwavika kaavui.”

WAROMA 8:33

Nani uchaawishitakia wasaghulwa wa Mlungu? Mlungu nuo uwitalagha kukaia na hachi;

WAKOLOSAI 3:12

Idana inyo sa wandu wa Mlungu msaghulo, waeli mkundo, mkaie na ngolo ya wughoma, wucha, kukusera, wumboa, na kurumaghia;

1 WATHESALONIKE 3:10

Daawuyalomba kwa kufunga ndighi kio na dime, eri didime kummbona wushu kwa wushu; na kumneka icho chawuyasoweka andenyi ya irumirio jenyu.

2 WATHESALONIKE 1:6

Mlungu wawonie loli kukaia ni hachi kuwilipa kwa kuwikoronga awo wawuyamkoronga;

1 TIMOTHEO 5:5

Uo uko muka mkiwa loli, nao oosighwa uekeri, oowika isuwirio jake kwa Mlungu; nao wadadua ukivoya na kulomba Mlungu kio na dime.

2 TIMOTHEO 1:3

Namfunyira Mlungu chawucha, uo nimdumikiagha kwa nia ielie, seji werebonyereghe weke aba, ngelo nawuyakukumbuka tulituli andenyi ya malombi ghapo;

2 TIMOTHEO 2:10

Kwa huwu narumaghia maza rose kwa wundu ghwa wasaghulwa, eri nawo wipate kukia andenyi ya Kristo Jesu, na kupata ugho wubaa ghwaro ghwa kala na kala.

TITO 1:1

Ini Paulo, mdumiki wa Mlungu na mdumi wa Jesu Kristo, kwa wundu ghwa kujimangisha ijo irumirio ja wasaghulwa wa Mlungu, na kumanya kwawo kwa iyo loli, kuko karakara na kuobua kwa Mlungu,

1 PETRO 1:1

Ini Petro mdumi wa Jesu Kristo, nawiandikia awo wiwingilo na kusaghisika masanga gha Ponto, Galatia, Kapadokia, Asia, na Bithunia.

2 PETRO 3:9

Bwana ndemukagha kukatisha ilaghiro jake seji wamu wigheshagha wei umuka; ela waawuyarumaghia kwa wundu ghonyu. Ndewuekunda mndungi utote, ela ookunda wandu wose wivikie kuhea.

WUFUNUO 18:20

Boilonyi aighu yake inyo mlungunyi, inyo waeli, wadumi na walodi; angu Mlungu wamtanya kwa wundu ghonyu.”

WUFUNUO 6:10

nawo wikakema kwa lwaka lubaa wikighamba, “Ee Bwana kuwadie nguma, mweli na mloli, ni lii kuchaatanya na kudiluya lugho bagha yedu kwa wandu wiko ndoenyi?”

WUFUNUO 7:15

Kwa huwo, weko imbiri ya kifumbi cha nguma cha Mlungu, nawo wadamtasa kio na dime andenyi ya hekalu yake; na uo useagha kidombo aighu ya kifumbi cha nguma uchawilindia kwa kukanya nawo.