LUKA 18:23 - Biblia Ilagho Jiboie Kwa Wandu Wose

²³ Nao iji wasikira agho, ukakaia na wasi angu orekoghe na mali nyingi.

LUKA 18:23 ပူးပေါင်းရင်းမြစ်များ

EZEKIELI 33:31

Nawo wadaacha kwako sa ngelo rose, na kusea kidombo imbiri kwako sa wandu wapo, na kusikira agho kughoragha, ela ndewibonyagha sa iji wazerwa; kwa kukaia wawonyera lukundo kwa memu yawo, ela ngolo rawo rianugha fwaida rawo.

MATHAYO 19:22

Uja mdawana uendasikira agho, ukaghenda na wasi, angu orekoghe na mali nyingi.

MARKO 10:22

Ela ukaghusha makunya kwa wundu ghwa ilagho jija, ukaghenda na wasi, angu orekoghe na mali nyingi.

LUKA 12:15

Nao ukawizera, “Manyenyi mkulindie na iriso, angu irangi ja mundu ndejiko andenyi ya ugho wungi ghwa mali uko naro anduangi.”

LUKA 18:22

Jesu uendasikira agho ukamzera, “Kwasighwa ilagho jimweri; uza vose kuko navo kuwiwaghie wakiwa, na oho kuchakaia na mali mlungunyi, sena kuche kuninughe.”

LUKA 18:24

Nao iji Jesu wammbona seji wakaia na wasi, ukaghamba, “Kwakurie saki kwa wandu wiko na mali kungia kwa wuzuri ghwa Mlungu.

LUKA 19:8

Nao Zakio ukawuka kimusi ukamzera Bwana, “Zighana Bwana, nusu ya mali rapo, nichawineka wakiwa, na ngera namkalie mndungi kwa kindo chingi, nichammbunjira mando ana.”

LUKA 21:34

“Mkulindie, ngolo renyu risechechulwa ni lwafuo, kuwongia, na maza ra irangi iji; Ituku ijo jichemchea ghafla msemanyagha.

LUKA 8:14

Iri rerepotokieghe minjonyi, ni sa wandu wijisikiragha ilagho, ela wikighenda woruwu wachulwa ni maghesho na bea ra mali na maseko gha irangi iji, nao ndewiwurushagha matunda ghangi anduangi.

WAEFESO 5:5

Manyenyi kwa loli, ndekuwadie mlaki ungi, angu mundu useelie, angu mundu wa iriso (nao nuo mtasi milimu), uko na ifwa jingi andenyi ya wuzuri ghwa Kristo na ghwa Mlungu anduangi.

WAFILIPI 3:8

Nani loli navitala vilambo vose kukaia hasara kwa wundu ghwa ijo ilagho ibaa ja kummanya Kristo Jesu Bwana wapo; kwa wundu ghwake uo, nadaghie vilambo vose ngivitala sa mavi, eri nimpate Kristo.

WAKOLOSAI 3:5

Kwa huwu ribwaghenyi iro bea ra wurumwengu riko andenyi konyu; kulaka, kushughunuka, mirudo ya bea, bea rizamie, na iriso, najo ni kutasa milimu;

1 JOHANE 2:15

Msakeghukunda wurumwengu, hata vilambo va wurumwengu; ngera mndungi waghukunda wurumwengu, kumkunda uja Aba ndekuko andenyi kwake anduangi.