LUKA 18:22 - Biblia Ilagho Jiboie Kwa Wandu Wose

²² Jesu uendasikira agho ukamzera, “Kwasighwa ilagho jimweri; uza vose kuko navo kuwiwaghie wakiwa, na oho kuchakaia na mali mlungunyi, sena kuche kuninughe.”

LUKA 18:22 ပူးပေါင်းရင်းမြစ်များ

ZABURI 27:4

Nalombie ilagho jimweri tu kwa BWANA, najo nijo jeni nijilolagha; ja ini kukaia nyumbenyi kwa BWANA matuku ghose gha irangi japo; niwoneghe kughoka kwa BWANA, na kulola wulongozi ghwake andenyi ya Hekalu yake.

MATHAYO 19:21

Jesu ukamzera, “Iji kukunde kukaie kukatie putu, kughende kuuze mali rako rose, kuwineke wakiwa, na oho kuchakaia na mali mlungunyi, sena kuche kuninughe.”

LUKA 10:42

jeekundika ilagho jimweri tu, Maria waasaghua ifungu icha, najo ndechaasokwa ni mndungi anduangi.”

LUKA 12:33

Uzenyi ivo muko navo, mfunye makuwio, mkubonyere mmbeni vikuchu viserashukagha, mkuwikie mali mlungunyi andu risechaasia jingi, na vitoi viseiwagha, hata soya ingi isenonagha anduangi.

LUKA 16:9

“Nani namzera, mkubonyere mmbeni waghenyi kwa chia ya mali risene hachi ra ndoenyi, hata iji rasia, wipate kumkaribisha kwa malalo gha kala na kala.

LUKA 18:21

Nao ukaghamba, “Ihi yose naiwadie kufuma wanake ghwapo.”

LUKA 18:23

Nao iji wasikira agho, ukakaia na wasi angu orekoghe na mali nyingi.

LUKA 9:23

Nao ukawizera wose, “Ngera mndungi wakunda kunughana nani, ndekukane uo moni, ughuduke msalaba ghwake matuku ghose uninughe.

WAFILIPI 3:13

Wanidu, si angu wei namerie kupata anduangi, ela naawuyabonya ilagho jimweri; naawuyaliwa iro riidie, na kufunga ndighi kurinugha iro riko imbiri.

2 PETRO 3:8

Ela msakesowa kumanya ilagho iji wakundwa; kukaia kwa Bwana Ituku jimweri, ni sa miaka elfu; na miaka elfu, ni sa Ituku jimweri.