LUKA 18:16 - Biblia Ilagho Jiboie Kwa Wandu Wose

¹⁶ Jesu ukawiwanga ukighamba, “Wilekenyi wanake wiche kwapo msakewighiria, angu Wuzuri ghwa Mlungu ni ghwa awo wiko sa awa.

LUKA 18:16 ပူးပေါင်းရင်းမြစ်များ

KUZOYA 21:4

ukamshamisha ituku ja wunyanya, sa iji koni Mlungu oremlaghirieghe.

2 MALAGHO GHA NGELO 20:13

Wandu wose wa Juda werekaieghe kimusi imbiri ya BWANA chiaimweri na waka wawo na wana wawo aho Hekalunyi.

JEREMIA 32:39

Nichawineka nia imweri na chia imweri, wipate kuniobua kwa kala na kala kwa mecha ghawo na gha wana wawo wichaanugha nyuma.

MATHAYO 19:14

Jesu ukaghamba, “Wilekenyi wanake watini wiche kwapo, msakewighiria, angu wuzuri ghwa mlungunyi ni kwa wandu wiko sa awa.”

LUKA 18:15

Nao wandu wamu wikamredia Jesu wanake wawo watini upate kuwiwikiria mikonu yake, ela wanughi wiendawiwona wikawikemia.

LUKA 18:17

Namghoria loli, uo ose useghuwusagha Wuzuri ghwa Mlungu sa mwanake mtini, na jingi ndechaangia andenyi kwaro anduangi.”

MABONYO GHA WADUMI 2:39

Angu ilaghiro iji ni jenyu, na ja wana wenyu, na awo wose wiko kula; awo wose Bwana Mlungu uchaawiwanga wiche kwake.”

1 WAKORINTHO 14:20

Wanidu, msakekaia sa wana kwa akili renyu; kwa mawiwi mkaie sa wanake, ela kwa akili, mkaie wandu mzoghue.

1 WAKORINTHO 7:14

Angu uo mumi userumirie warumirilwa ni Mlungu kwa chia ya mkake, na muka userumirie warumirilwa kwa chia ya mumi wake. Ngera si huwo, kumangu wana wenyu ndewirumirilo; ela seji iko, warumirilwa.

WUKUMBUSO 29:11

Wana wenyu, waka wenyu na waghenyi wemara-mara wiko aghadi konyu, awo wimshoiagha mbande, na kumdaia machi.

WUKUMBUSO 31:12

Muwikwanye wandu; womi, na waka na wanake, na mghenyi omara-mara uko andenyi ya mizi yawo, eri wipate kusikira na kukufundisha kumuobua BWANA Mlungu wawo, na kukulindia kughiwadia malagho ghose gha sharia ihi.

1 PETRO 2:2

Sa wana wavalwa idakoni, ghikundenyi nandighi agho mariwa ghielie gha kiroho, ghipate kumzoghora hata mvikie kukia;