LUKA 18:14 - Biblia Ilagho Jiboie Kwa Wandu Wose

¹⁴ Nao Jesu ukaghamba, “Namghoria, mmbwadi wushuru oreserieghe nyumbenyi kwake wanekwa hachi kuchumba Mfarisayo. Angu uhu ukujosagha moni, uchaserwa, na uhu ukuseragha moni, uchajoswa.”

LUKA 18:14 ပူးပေါင်းရင်းမြစ်များ

AYUBU 22:29

Mlungu wadawisera awo wikujosagha, na kuwikira awo wikuseragha.

AYUBU 25:4

Mdamu udima wada kukaia mhachi imbiri ya Mlungu? Mdamu uvalo ni muka udima wada kukaia uelie?

AYUBU 9:20

Hata ngera siwadie ikosa, madedo ghapo gheni ghichanitanya; hata ngera nakatie, uchaniwona nalagharie.

ZABURI 138:6

Hata ngera koko ighu ee BWANA, kwadawitala wanyonge; Ela wandu wikukasire, ndewivisikagha kwako.

ZABURI 143:2

Kusakenighenja kutanyonyi ini mdumiki wako; ndekuwadie mndungi uko mhachi imbiri kwako.

KUFUMA 18:11

Idana namanya angu BWANA ni m'baa kuchumba milungu yose, angu orekirieghe wandu kufuma mikonunyi kwa Wamisri, iji werekoghe wikiwikoronga.”

MAKATANISHO 15:33

Kuobua kwa BWANA kwadafundisha mundu hikima, suti mundu ukusere imbiri usenekelo.

MAKATANISHO 18:12

Mundu wadazoya ukukase imbiri useghue, ela kukusera kwadareda kunekwa ishima.

MAKATANISHO 25:7

Ni nicha kuzerwa choo naighu aha, kuchumba kuzerwa baria m'baa.

MAKATANISHO 29:23

Kukujosa kwa mundu, kwadamsera; ela uhu uko na roho ekusera, uchapata ishima.

MAKATANISHO 3:34

Wadawimenya awo wimmenyagha, na kuwineka mvono awo wikuseragha.

MCHILI 9:7

Ghenda kuje vindo vako kukaie na kuboilwa; kunyo divei yako kukaie na iseko, angu Mlungu wakurumirie.

ISAYA 45:25

Wandu wose wa kivalwa cha Israeli wiko andenyi yapo ini BWANA, wichasima na kupata wubaa.”

ISAYA 53:11

nao uchawona matunda gha wasi ghwa roho yake na kukatwa; kwa wundu ghwa kumanya kwa hachi yake, mdumiki wapo uchawibonya wengi kutalwa kukaia na hachi, nao uchaduka mawiwi ghawo.

ISAYA 57:15

Angu uo ukaiagha aighu, ukumikie, ukaiagha kwa kala na kala, uo uwangwagha Mweli, waghamba huwu: “Ini nadakaia koighu andu kwa wueli, sena nadakanya na uo mundu uko na ngolo iheagha na kukusera; nipate kurukisha roho ra wandu wikuserie, na ngolo ra wandu wiko na wundo ghwa kuhea.

ISAYA 66:2

Ni ini moni nerevibonyereghe vilambo ivi vose, na vose ni vapo. Ini nadaboilwa ni mundu ukuserie, uko na roho ya wumboa na kusughusikia ilagho japo.

DANIELI 4:37

Idana ini Nebukadnezari, nadamkasa, na kumkuma, na kumneka ishima Mzuri wa mlungunyi; angu kazi rake rose ni ra loli, na chia rake ni ra hachi. Wandu wose wighendagha kwa kukukasa, oko na ndighi ra kuwisera.”

HABAKUKI 2:4

Iji nijo ilagho, ‘Olenyi awo wiko wawiwi rohonyi kwawo, wichalemwa; ela awo wiko na hachi wichakaia moyo angu wiko waloli kwa Mlungu.’”

MATHAYO 23:12

na uo ose ukujosagha moni uchaserwa, ela uo ose ukuseragha moni uchajoswa.

MATHAYO 5:3

“Warasimilwa awa wimanyagha weko wakiwa rohonyi; angu wuzuri ghwa mlungunyi ni ghwawo.

LUKA 1:52

Awo wibonyagha nguma wawiinja vifumbinyi kwawo, na kuwijosa awo wikuserie.

LUKA 10:29

Ela uo ukikunda kukuneka hachi ukamzera Jesu, “Mmbedu nani?”

LUKA 14:11

Angu uo ose ukujosagha moni uchaserwa, na uo ose ukuseregha moni, uchajoswa.”

LUKA 16:15

Ela Jesu ukawizera, “Inyo moko wandu mkunekagha mmbeni hachi imbiri ya wandu, ela Mlungu warimanya ngolo renyu; angu icho chikaswagha imbiri ya wandu, chakaia chizamie imbiri ya Mlungu.

WAROMA 3:20

Angu ndekuwadie mndungi uchaatalwa kukaia na hachi imbiri ya Mlungu kwa mabonyo gha Sharia anduangi kwa kukaia kumanya kaung'a koocha kwa chia ya Sharia.

WAROMA 4:5

Na mundu usebonyagha kazi, nao warumiria kwa Uo uwitaliagha wandu wisemuobuagha Mlungu wikaie na hachi, irumirio jake mundu uo jatalwa kukaia hachi.

WAROMA 5:1

Idana angu dameria kutalwa kukaia na hachi kwa irumirio, deko na sere na Mlungu kwa chia ya Bwana odu Jesu Kristo.

WAROMA 8:33

Nani uchaawishitakia wasaghulwa wa Mlungu? Mlungu nuo uwitalagha kukaia na hachi;

WAGALATIA 2:16

ela sena daichi wori mdamu ndetalwagha kukaia na hachi kwa chia ya mabonyo gha Sharia anduangi, ela kwa chia ya irumirio jiko kwa Jesu Kristo. Hata nesi deerumiria kwa Kristo Jesu, eri ditalo kukaia na hachi kwa Kristo hata si kwa chia ya mabonyo gha Sharia anduangi; angu ndekuwadie mndungi uchaatalwa kukaia na hachi kwa chia ya mabonyo gha Sharia anduangi.

JAKOBO 4:10

Mkusere mmbeni imbiri ya Bwana nao uchamjosa inyo.

JAKOBO 4:6

Ela wanekagha mvono ghuchumbie, kwa huwu Maandiko ghaghamba, “Mlungu wawitangala wang'eti, ela wawineka mvono awo wikuseragha.”

1 SAMUELI 1:18

Hana ukatumbulia, “Nalomba nirumirikie mesonyi kwako ini mdumiki wako.” Nao uo muka ukafuma ukaghenda chia yake hata nderewonekieghe kukaia na wasi ghungi sena anduangi.