LUKA 17:29 - Biblia Ilagho Jiboie Kwa Wandu Wose

²⁹ hata ituku jija Loti orefumieghe Sodoma, modo na kibiriti ghukasea kufuma mlungunyi sa vua na kuwitotesha wose.

LUKA 17:29 ပူးပေါင်းရင်းမြစ်များ

ISAYA 1:9

Ngera BWANA wa majeshi nderedisighieghe masighariko gha wandu wikirie, Kumangu deeka sa Sodoma, kumangu dawurie sa Gomora.

ISAYA 13:19

Babuloni nigho wuzuri ghughokie kuchumba mawuzuri ghose; nigho kuboa na kukukasa kwa Wakalidayo, ela ngelo Mlungu uchaaghukumba noko, ghuchakaia sa Sodoma na Gomora.

JEREMIA 50:40

Sa iji koni Mlungu oreitoteshereghe Sodoma na Gomora, chiaimweri na mizi yaro ya kaavui, ni huwo koni ndekuwadie mdamu ungi uchaakaia andenyi ya mizi ihi, hata omara-mara moni, ini BWANA naghamba.

HOSEA 11:8

“Nidima wada kukuleka ee Israeli? Nidima wada kulegha kukutala? Nidima wada kukubonya sa Adma, angu kukubonyera sa Zeboiimu? Lukundo lwapo cha kwako looka lubaa, nani sidimagha kukubonyera kiwiwi.

AMOSI 4:11

“Neretoteshereghe wamu wenyu seji neretoteshereghe wandu wa Sodoma na Gomora. Awo morevuvukieghe morekoghe sa kamudi kavuvulwa modonyi. Hata huwo saki ndemorenighalukieghe,” waghamba BWANA.

ZEFANIA 2:9

Kwa huwo, sa iji nikaiagha moyo, ini BWANA wa majeshi, Mlungu wa Israeli, naghema kukaia Moabu ichakaia sa Sodoma, na Waamoni sa Gomora. Isanga jichakaia na vina va chumbi, najo jichanoneka kwa kala na kala na kubukwa ni isaka. Masighariko gha wandu wapo wichawisoka vilambo na kuwusa isanga jawo.”

LUKA 17:28

Wokoni sa iji erekoghe matuku gha Loti, werejieghe, wikanywa, wikaghua na kuuza, wikawa na kuagha,

LUKA 17:30

Niko koni ichaakaia ituku Mwana wa Mdamu uwonekagha.

2 PETRO 2:6

Mlungu oreitanyireghe mizi ya Sodoma na Gomora, ukaikora na kuiwunja maivu, na kuibonya ikaie mfwano kwa awo wisemuobuagha Mlungu.

JUDA 1:7

Ni seji koni Sodoma na Gomora, na mizi erekoghe mbai mbai yaro, iyo wandu waro werekoghe wikibonya mawiwi kwa kulaka na bea riseko ra asili, yakaia mfwano kwa kupata adhabu ya modo ghwa kala na kala.

WUFUNUO 11:8

Na gharia rawo richakaia a chienyi ya ugho muzi m'baa ghuwangwagha kiroho Sodoma na Misri, andu Bwana wawo oresulubishiroghe.

WUFUNUO 14:10

uchanywa divei irudie ya kubia kwa machu gha Mlungu, idungilo andenyi ya kikombe cha machu ghake; nao uchatirirwa kwa modo na kibiriti imbiri ya weke malaika wielie, na imbiri ya Mwana wa Ng'ondi.

WUFUNUO 19:20

Iyo nyamandu ikawadwa chiaimweri na uja mlodi wa tee, uo orebonyereghe weke mwakilimbiti imbiri ya iyo nyamandu; kwa awo, orewikalieghe awo wandu werepatireghe ija alama ya iyo nyamandu, na awo wereghutasireghe ugho mlimu ghwake. Awa wawi, werekumbiloghe wimoo andenyi ya ndiwa ya modo ghuakagha kwa kibiriti.