LUKA 16:9 - Biblia Ilagho Jiboie Kwa Wandu Wose

⁹ “Nani namzera, mkubonyere mmbeni waghenyi kwa chia ya mali risene hachi ra ndoenyi, hata iji rasia, wipate kumkaribisha kwa malalo gha kala na kala.

LUKA 16:9 ပူးပေါင်းရင်းမြစ်များ

ZABURI 73:26

Mumbi ghwapo na akili rapo radima kusilwa ni ndighi, ela Mlungu ni ndighi rapo nao nuo nimkundagha kwa kala na kala.

MAKATANISHO 14:24

Mali ra wandu wa hikima ni kirumbu chawo, ela wukelu ni mafungu gha wakelu.

MAKATANISHO 19:17

Mundu umnekagha mkiwa pesa ni sa kumkopesha BWANA na BWANA uchamlipa.

MAKATANISHO 23:5

Kwadima kuriwona, kuwuye kurisowe; riakaia seji raabuka mawawa na kuburuka cha mawingunyi sa indu.

MCHILI 11:1

Neka wakiwa vindo vako; kuchavipata nyuma ya matuku mengi.

ISAYA 57:16

Sichaasimana na wandu matuku ghose, hata sichaakaia na machu ngelo rose anduangi; angu mdamu wadima kudumbuka imbiri kwapo, uo uko na miruke icheni nereibonyereghe.

DANIELI 4:27

Kwa wundu ugho ee mzuri, njama yapo ndeirumirikie imbiri kwako. Sigha kaung'a rako, kuinughe hachi; kusighe mawiwi, kuwonyere wughoma kwa awo wikorongelo eri kukaie na sere na kuwona nicha.”

MATHAYO 19:21

Jesu ukamzera, “Iji kukunde kukaie kukatie putu, kughende kuuze mali rako rose, kuwineke wakiwa, na oho kuchakaia na mali mlungunyi, sena kuche kuninughe.”

MATHAYO 6:19

“Msakekuwikia mali aha ndoenyi, andu soya na ngama rinonagha, na andu vitoi vibaragha na kuiwa;

MATHAYO 6:24

“Mndungi ndedimagha kuwidumikia weke Bwana wawi; kwa kukaia uchazamilwa ni uhu, na kumkunda uja; angu uchakufunya kwa umu, na kummenya uja mzima. Nenyo ndemdimagha kumdumikia Mlungu na mali anduangi.

LUKA 11:41

Ela funyenyi makuwio gha ivo viko nandenyi, nenyo olenyi vilambo vose vichakaia vielie konyu.

LUKA 12:33

Uzenyi ivo muko navo, mfunye makuwio, mkubonyere mmbeni vikuchu viserashukagha, mkuwikie mali mlungunyi andu risechaasia jingi, na vitoi viseiwagha, hata soya ingi isenonagha anduangi.

LUKA 14:14

na oho kucharasimilwa, angu wisechaadima kukulipa. Na oho kuchalipwa ituku ja kurukenyi kwa wahachi.”

LUKA 16:11

Idana ngera mserekoghe waloli kwa mali risene hachi ra ndoenyi, nani uchaamrumiria kwa mali ra loli?

LUKA 16:13

Ndekuwadie mdumiki ungi udimagha kuwidumikia weke bwana wawi, angu uchazamilwa ni uhu, na kumkunda uja, angu uchakufunya kwa uhu, na kummenya uja. Ndemdimagha kumdumikia Mlungu na mali anduangi.”

LUKA 16:4

Namanya seji nichaabonya, hata iji kazi yapo yasia, nipate waghenyi wenikaribisha nyumbenyi kwawo.’

MABONYO GHA WADUMI 10:31

Ukaghamba, ‘Kornelio! Malombi ghako ghasikirwa, na makuwio ghako ghakumbukwa imbiri ya Mlungu.

MABONYO GHA WADUMI 10:4

Nao ukamkuya meso ukiobua na kughamba, “Ni wada Bwana?” Ukamzera, “Malombi ghako na makuwio ghako ghajoka na kukaia lukumbuso imbiri ya Mlungu.

2 WAKORINTHO 4:17

Angu matiriro agha gha ngelo ndini, ghaawuyadiboisira wubaa ghwa kala na kala kwa wungi, ghusedimagha kufwananishwa na kindo chingi anduangi;

JUDA 1:21

mkuwike mmbeni andenyi ya ulo lukundo lwa Mlungu; mmbeserie wughoma ghwa Bwana odu Jesu Kristo, upate kumneka irangi ja kala na kala.