LUKA 16:8 - Biblia Ilagho Jiboie Kwa Wandu Wose

⁸ Uja bwana ukamkasa mnyapara useko mloli, angu orejieghe akili; kwa kukaia wandu wa wurumwengu ughu wawadie akili rebonya malagho ghawo weni, kuchumba wandu wa mwengere.

LUKA 16:8 ပူးပေါင်းရင်းမြစ်များ

KUZOYA 3:1

Idana choka erekoghe na mikalo kuchumba nyamandu rose ra isakenyi oreribonyereghe BWANA Mlungu. Nayo ikamzera muka, “Kedi Mlungu waghambie wei msakeja matunda gha midi yose iko mbuwenyi?”

2 SAMUELI 13:3

Ela Amnoni orekoghe na mghenyi wake uwangwagha Jonadabu mwana wa Shimea mruna Daudi; na Jonadabu orekoghe mundu ukalie loli-loli.

2 WAZURI 10:19

Kwa huwo niwangienyi walodi wose wa Baali, wandu wose wimtasagha na wakohani wake wose, ungi usesoweke; kwa kukaia nifunya kizongona kibaa kwa Baali, na mndungi ukasoweka uchabwaghwa.” Ela Jehu odebonya mikalo upate kuwitotesha watasi Baali wose.

ZABURI 17:14

Kunikire na wandu wawiwi ee Bwana, awo wiko na kula kilambo wichikunde; kuwineke makabo ghikate, agho kughiwikie kwa wundu ghwawo; ghidimagha kuwikata wana wawo, hata na weke wawae.

KUFUMA 1:10

Nndokonyi diwibonyere mpango kwa wuya wisechechurikia, eri wuda ghukabuka, wisechekukwanya na wamaiza wedu na kudikaba, nao wifume na kughenda.”

MAKATANISHO 12:8

Mundu uko na hikima wadakaswa, ela mkelu wadamenywa.

MATHAYO 12:32

Sena uo uchaaghora ilagho ja kumtangala Mwana wa Mdamu uchalekelwa, ela uo uchaaghora ilagho ja kumtangala Roho Mweli, ndechaalekelwa kwa wurumwengu ughu hata kwa wurumwengu ghuchagha wori.

MATHAYO 17:26

Nao iji waghora, “Kwa wandu wazima,” Jesu ukamzera, “Ikakaia ni huwo, basi wana weko huru.

LUKA 16:10

Uo uko mloli kwa ghaja matini na ndighi, oko mloli kwa ghaja mabaa wori, na uo useko mloli kwa kaja katini na ndighi, ndeuko mloli kwa ghaja mabaa wori.

LUKA 16:4

Namanya seji nichaabonya, hata iji kazi yapo yasia, nipate waghenyi wenikaribisha nyumbenyi kwawo.’

LUKA 16:7

Ukamkotia mzima, ‘Na oho kwalawilwagha kii?’ Ukamzera, ‘Vipimo ighana va ngano.’ Ukamzera, ‘Wada iyo karatasi yako kuandike mirongo wunyanya.’

LUKA 18:6

Nao Bwana ukaghamba, “Sikirenyi seji uja mtanyi mmbiwi ughoragha.

LUKA 20:34

Nao Jesu ukawizera, “Wandu wa ngelo iri wadalowua na kulowolwa,

LUKA 20:35

ela awo witalwagha kukaia wafwana kuruka na kukaia moyo kwa ngelo iro richagha, ndewilowuagha hata ndewilowolwagha,

JOHANE 12:36

Iji muko na ugho mwengere mughurumirie; mpate kuwuya wana wa mwengere.” Nao nyuma ya kughora malagho agho, Jesu ukaghenda chia yake, ukakuvisa, na kukaia kula nawo.

1 WAKORINTHO 3:18

Mndungi usakekukalia moni. Ngera mndungi aghadi konyu waghesha wei oko na hikima ya ngelo iri, ndewuye mkelu, eri upate kukaia na hikima.

WAEFESO 5:8

angu aho imbiri morekoghe kirenyi, ela idana moko mwengerenyi andenyi ya Bwana; ghendenyi sa wana wa mwengere;

WAFILIPI 3:19

Kutua kwawo ni kutota, mlungu ghwawo ni vifu vawo, wakukasa kwa maza iwifwane wiriwonie waya, nawo wiaghesha maza ra ndoenyi.

1 WATHESALONIKE 5:5

Angu inyo mmbose mo wandu wa mwengere, na wandu wa dime; isi ndediko wandu wa kio, hata wandu wa kira anduangi.

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.

1 JOHANE 3:10

Kwa ilagho iji, wana wa Mlungu wawoneka worinyi, na wana wa Ibilisi wori. Uo ose usebonyagha hachi, si wa Mlungu anduangi; hata uo usemkunde mruna.