LUKA 16:3 - Biblia Ilagho Jiboie Kwa Wandu Wose

³ Uja mnyapara ukaririkanya ngolonyi kwake, ‘Nibonya wada e hoku bwana wapo wanifunya kazi ya wunyapara? Ndighi relima siwadie, kulomba-lomba nako niafwa waya.

LUKA 16:3 ပူးပေါင်းရင်းမြစ်များ

ESTA 6:6

Nao iji Hamani wangia, mzuri ukamkotia, “Kuwona wada, nim'bonyereki uo mundu nikunde kumneka ishima?” Hamani ukaririkanya ngolonyi kwake, “Nani uo mzuri wawuyakunda kumneka ishima nandighi huwu? Ngera si ini moni?”

MAKATANISHO 13:4

Mghadi wadakunda vilambo, ela ndepatagha, ela mundu uko ing'oni kazinyi, wadapata kula kilambo uchikundagha kwa wungi.

MAKATANISHO 15:19

Mighendo ya mghadi kari kose ni ya wasi; mighendo ya mundu mucha ndeiwadie wasi ghungi.

MAKATANISHO 18:9

Mundu uko mghadi kwa kazi yake, oofwanana na uo unonagha.

MAKATANISHO 19:15

Wughadi ghwadareda dilo nyingi, na mghadi wadaja njala.

MAKATANISHO 20:4

Mghadi uselimagha kwa ngelo yaro, ndechaapata kindo chingi ngelo ekuwida.

MAKATANISHO 29:21

Mundu umnekagha mdumiki wake kula kindo kufuma wanake ghwake, kutua kwaro uchawuya mundu wa ifwa jake.

ISAYA 10:3

Da mchabonya wada ngelo BWANA uchaamkaba? M'bonya wada ngelo uchaamredia mawiwi kufuma kula? Mumkimbiria ani umneke wutesia, na ni hao mchaasigha mali renyu?

JEREMIA 5:31

Walodi wawuyaloda tee, na wakohani waawuyabonya nguma kwa wulongozi ghwa awo walodi; wandu wapo nawo weekunda maza rikaie woruwo, ela, mchabonya wada ngelo ra kutua?”

HOSEA 9:5

Welee, ngelo ikavika ya iro ndima ra dini riwikilo remtasa BWANA wibonya wada?

MATHAYO 20:8

“Hata iji luma lwa kenyi lwavika, uja bwana wa mbuwa ya mizabibu ukamzera mnyapara wake, ‘Wiwange vibarua wose kuwilipe mafungu ghawo; kuzoye na waja wa kutua, kumerie na waja wa imbiri.’

MARKO 10:46

Nao wikabusa Jeriko, hata iji orekoghe ukifuma aho, andwamweri na wanughi wake na izungu ja wandu, mundu umu mlombi ufue meso uwangwagha Bartimayo, mwana wa Timayo, orekoghe kidombo chia na mbai.

LUKA 12:17

nao ukizoya kupima moni ukaghamba, ‘Nibonya wada nisewadie andu kowika viro vapo?’

LUKA 16:2

Ukammbanga na kumzera, ‘Ni malaghoki agha nawuyasikira aighu yako? Niredie mtalo ghwa wunyapara ghwako; angu ndekuchaakaia mnyapara sena.’

LUKA 16:20

Na mkiwa umu uchue vonda uwangwagha Lazaro orekoghe ukiwikwa mnyangonyi ghwa nyumba yake;

LUKA 16:22

“Nao uja mkiwa ukafwa, ukadalwa ni weke malaika, ukasea kidombo kaavui na Abrahamu.

LUKA 16:4

Namanya seji nichaabonya, hata iji kazi yapo yasia, nipate waghenyi wenikaribisha nyumbenyi kwawo.’

LUKA 18:4

Nao uja mtanyi ukakaia ukimleghia kwa ngelo ndacha, ela konyuma ukaghora ngolonyi kwake, ‘Hata ngera ini simuobuagha Mlungu, angu kumtala mndungi,

JOHANE 9:8

Nao wambao na waja weremmbonieghe imbiri uko mkiwa, mlombi, wikaghamba, “Welee, uhu mundu suo moni orekoghe ukisea kidombo na kulomba?”

MABONYO GHA WADUMI 3:2

Na mndumu mkelemeri kufuma kuvalwa kwake, orekoghe ukidukwa kula ituku na kuwikwa mnyangonyi ghwa Hekalu ghuwangwagha “Ghughokie;” eri ulombe makuwio ghangi kwa awo werekoghe wikingia Hekalunyi.

MABONYO GHA WADUMI 9:6

ela wuka kungie mzinyi, na oho kuchaghorelwa agho kuchaabonya.”

2 WATHESALONIKE 3:11

Angu dasikire wei wamu wenyu ni waghadi; nawo waawuyakungira andenyi ya maza ra wandu wazima, hata ndewiwuebonya kazi ingi.