LUKA 16:29 - Biblia Ilagho Jiboie Kwa Wandu Wose

²⁹ “Ela Abrahamu ukaghamba, ‘Wanyinyu weko na Musa na walodi, ndewiwisikire awo.’

LUKA 16:29 ပူးပေါင်းရင်းမြစ်များ

ISAYA 34:16

Lolenyi andenyi ya chuo cha BWANA mshome, nenyo mchawona kukaia ingi ya iro nyamandu ndeisowekie aho, na kula imu ndeichaasowa mmbao wa womi kwa kukaia momu ghwa BWANA ghwajighorie ilagho ijo, na Roho wake nuo urikwanyagha iro nyamandu.

ISAYA 8:20

Mchawitumbulia, “Sikirenyi mafundisho na wushuhuda ghwa BWANA, msewisikire awa wandu, kwa kukaia malagho wighoragha ndeghine mwengere.”

JEREMIA 6:16

BWANA waghora huwu, “Kaienyi kimusi chienyi ra matano mzighane, mkotie iro chia ra kala, andu iyo chia ndicha iko; mpate kughenda nayo, na kuhora rohonyi konyu. Ela wikaghamba, ‘Isi ndedichaaghenda nayo anduangi.’

LUKA 16:16

“Sharia na maandiko gha walodi verekoghe hata ngelo ya Johane M'baputizi; kufuma aho, malagho mecha gha Wuzuri ghwa Mlungu ghaawuyachilwa, na kula umu wadaghungia kwa kufunga ndighi.

LUKA 24:27

Niko ukawitambuya maza rose riandikilo kwa wundu ghwake ukizoya na vuo va Musa na va walodi wose.

LUKA 4:17

Ukawuka kimusi ushome, ukanekwa chuo cha mlodi Isaya, ukachikuchua ukawona andu kuandikilo,

MABONYO GHA WADUMI 15:21

Angu kufuma kala Sharia ya Musa eko na wandu awo wimchilagha andenyi ya kula muzi; kwa kukaia yadashomwa andenyi ya sunagogi kula Sabato.”

WAGALATIA 4:21

Nighorienyi inyo mkunde kukaia aisi ya Sharia; wele sena mwawuyasikira seji Sharia ighoragha?