LUKA 15:8 - Biblia Ilagho Jiboie Kwa Wandu Wose

⁸ “Angu ni muka uao uko na shilingi ikumi, ukalaghasha imweri, usekoragha taa na kufwagia nyumba na kuilola nicha hata uiwone?

LUKA 15:8 ပူးပေါင်းရင်းမြစ်များ

EZEKIELI 34:12

Na sa iji koni mlisha ulolagha ng'ondi rake risaghisikie kula, ni huwo koni nicharilola ng'ondi rapo; nani nicharivuvua kufuma andu kose reresaghisiroghe ituku ja mawingu na kira.

MATHAYO 5:15

Hata wandu ndewikoragha taa na kuifinikira pishi, ela wadaiwika aighu ya kilambo charo iwilangalishire mwengere wandu wose wiko nyumbenyi.

LUKA 15:7

Namghoria huwo koni, kuchakaia na kuboilwa mlungunyi kwa wundu ghwa mkaung'a uheagha, kuchumba wandu wa hachi mirongo ikenda na ikenda wiseko na wundu ghwa kuhea anduangi.

LUKA 15:9

Ukameria kuiwona wadawanga waghenyi wake na wambao na kuwizera, ‘Boilonyi chiaimweri nani, angu nameria kuiwona ija shilingi erenilagharieghe.’

LUKA 19:10

Angu Mwana wa Mdamu orechieghe kulola na kukira icho cherelagharieghe.”

JOHANE 10:16

Sena nawadie ng'ondi rimu riseko ra iranu iji. Naro reni yanifwana kuriruda, naro richalusikira lwaka lwapo; nao kuchakaia chagha chimweri na mlisha umweri.

JOHANE 11:52

hata si kwa mbari yawo iekeri anduangi, ela uwikwanye chiaimweri awo wana wa Mlungu wisaghisikie.

MABONYO GHA WADUMI 19:19

Na wengi wa awo werekoghe wikibonya maza ra wusawi, wikareda vuo vawo chia imweri, wikavikora imbiri ya wandu wose; wikatala zoghori yaro ikavika vibelele va feza elfu mirongo misanu.

WAEFESO 2:17

Na Kristo ukacha, ukachila sere konyu inyo morekoghe kula, na wokoni kwa awo werekoghe kaavui.