LUKA 15:5 - Biblia Ilagho Jiboie Kwa Wandu Wose

⁵ Ukameria kuiwona wadaiduka maweghenyi kwake kwa kuboilwa.

LUKA 15:5 ပူးပေါင်းရင်းမြစ်များ

ISAYA 62:12

Wichawangwa “Wandu wielie wikombolo ni BWANA;” na muzi ghwa Jerusalemu ghuchawangwa, “Muzi ghulolelo ni BWANA ghusesighilo ni Mlungu.”

ISAYA 62:5

Sa iji koni mdawana umlowuagha mwai, huwo koni wana wako wichawusa isanga jako; na sa iji koni bwana arusi uboilwagha ni mwai ulowolwagha, huwo koni Mlungu wako uchaboilwa ni oho.

ISAYA 63:9

Kwa matiriro ghawo ghose, uo moni oretiriroghe, na malaika uo orekirieghe imbiri kwake ukawikira. Kwa lukundo na wughoma ghwake orewikombueghe ukawidwa na kuwighenja matuku ghose gha kala.

EZEKIELI 18:23

Kwani naboilwagha ni kifwa cha mndungi mmbiwi? Waghamba Bwana MLUNGU. Kuchumba nandighi nakunde ughaluke na kusigha wuwiwi ghwake, ukaie moyo.

EZEKIELI 33:11

Wizere, Sa iji koni ini Bwana MLUNGU nikaigha moyo, naghamba, Siboilwagha ni kifwa cha mundu mmbiwi, ela neekunda uo mmbiwi ughaluke na kurisigha chia rake mbiwi ukaie moyo. Ghalukenyi msighe chia renyu mbiwi, ee wandu wa Israeli; ado mfuyaki wandu wa Israeli?

MIKA 5:4

Ngelo uchagha, uchawibonyera nguma wandu wake kwa ndighi ra BWANA, na kwa nguma ya BWANA Mlungu moni. Wandu wake wichakaia banana, kwa kukaia wandu wose wurumwengunyi wichaghutala wubaa ghwake.

MIKA 7:18

Ndekuwadie mlungu ungi uko sa oho BWANA; oho kwadafuya wandu wako wughoma kwa kaung'a rawo, awo wisigharikie. Ndekuwikagha machu kwa kala na kala, ela kwadaboilwa ni kudiwonyera lukundo lwako lukatie.

ZEFANIA 3:17

BWANA, uo Mlungu wako oko andwamweri na oho; kudima kwake kuchakuredia wusimi. BWANA uchaboilwa ni oho, nao uchakuneka irangi iwishi kwa lukundo lwake. Uchaboilwa na kuzuma aighu yako kwa kubora,

LUKA 15:32

Ni hachi putu kubonya maseko na kuboilwa, angu uhu mwanyinyu orekoghe ufue, nao hoyu oko moyo; orekoghe ulagharie, nao idana wawoneka.’”

LUKA 15:4

“Ni mnduki konyu uko na ng'ondi ighana, nao ulagharilo ni imweri, usesighagha rija mirongo ikenda na ikenda mlambenyi, na kulola ija ilaghirie, hata uiwone?

LUKA 15:6

Hata iji wavika mzinyi wadawiwanga waghenyi wake na wambao na kuwizera, ‘Boilonyi chiaimweri nani, angu nameria kuiwona ija ng'ondi erenilagharieghe.’

LUKA 19:9

Jesu ukamzera, “Idime kukia kwaichea nyumba ihi, kwa kukaia mundu uhu wori, ni wa kivalwa cha Abrahamu.

LUKA 23:43

Jesu ukamzera, “Nakughoria loli, idime iji kuchakaianya andwamweri nani Andu Kucha Warumunyi.”

JOHANE 15:11

“Namghoria malagho agha, eri kuboilwa kwapo kukaie andenyi konyu, na kuboilwa konyu kukate.

WAEFESO 2:10

Angu nuo udibonyere, ukadiumba andenyi ya Kristo Jesu, kwa wundu ghwa mabonyo mecha; agho Mlungu oreghiboisireghe kufuma imbiri, dipate kughibonyaghaa.

WAEFESO 3:7

Ini nerebonyeroghe nikaie mdumiki wa ijo Ilagho Jiboie, karakara na ijo inosi ja mvono ghwa Mlungu nerenekeloghe kwa chia ya kubonya kazi kwa kudima kwake.

1 WATHESALONIKE 1:5

angu ijo Ilagho Jiboie deremchilieghe, ndejerekoghe kwa madedo gheni anduangi, ela wokoni kwa ndighi, na kwa Roho Mweli; jikitanya tiki. Inyo mwamanya derekoghe wandu wifwane wada aghadi konyu, kwa wundu ghonyu;

2 TIMOTHEO 2:26

nyuma ya kuwiwada na kuwibonya wifufunuke ugho mdegho ghwa Ibilisi, wipate kubonya lukundo lwa Mlungu.

WAEBRANIA 12:2

dikimzighana Jesu mzoishi na mkatishi wa irumirio jedu. Uo, kwa wundu ghwa kuja kuboilwa korewikiloghe imbiri kwake, oreghurumaghieghe msalaba, ukaghumenya waya; nao waserie kidombo chia ya mkonu ghwa kiwomi ghwa kifumbi cha nguma cha Mlungu.

1 PETRO 1:5

inyo mlindilwagha ni ndighi ra Mlungu, kwa chia ya irumirio; mpate kuvikia kukia kuko tayari kufunukulwa ngelo ya kutua.