LUKA 15:28 - Biblia Ilagho Jiboie Kwa Wandu Wose

²⁸ Nao ukajokwa ni machu ukalegha kungia mzinyi. Niko ndee ukafuma na kumvoya ungie.

LUKA 15:28 ပူးပေါင်းရင်းမြစ်များ

ISAYA 65:5

Nawo wawizera wambao, ‘Kaienyi kula nesi, msedisoghodere; kwa kukaia isi daelie.’ Wandu awa wakaia sa mosi mbuonyi kwapo na modo ghuserimikagha matuku ghose.

ISAYA 66:5

Inyo msughusikiagha ilagho ja BWANA sikirenyi seji ughoragha, “Awo wanyinyu wizamilwagha ni inyo, na kummbinga kwa wundu gha irina japo waghambie, ‘Oke Mlungu ndewonyere wubaa ghwake dipate kummbona inyo mkiboilwa;’ ela sena niwo weni wichaafushwa waya.

JEREMIA 35:16

Wana wa Jonadabu mwana wa Rekabu wamazirie malaghiro werenekeloghe ni ndee, ela awa wandu ndewinisikire ini.

JONA 4:9

Ela Mlungu ukamzera Jona, “Huwo koko na hachi ebonya machu kwa wundu ghwa mmbonu?” Nao ukaghamba, “Neko na hachi ebonya machu; machu ghikate kunibwagha.”

MATHAYO 20:11

Nao iji wariwusa pesa rawo wikamzughunukia uja mundu wa nyumba,

MARKO 1:40

Mndumu uko na sima, ukamchea, ukamdungia ngokoro na kumvoya ukimzera, “Ngera kwakunda, kwadima kunielesha.”

LUKA 13:34

“Ee Jerusalemu, Jerusalemu, kubwaghagha walodi na kuwilasa na magho awa widumwagha kwako, ni kalinga neretimieghe kuwikwanya wana wako sa iji nguku ikwanyagha vana vake aisi ya mawawa ghake kukalegha!

LUKA 15:2

Ela Mafarisayo na walimu wa Sharia wikazughunuka wikighamba, “Mundu uhu wadakaribisha wakaung'a na kujanya nawo.”

LUKA 15:27

Ukamtumbulia, ‘Uja mwanyinyu wacha na ndeyo wam'bwaghia ija ngache ibandie kwa kukaia wampata uko banana.’

LUKA 15:29

Ela ukamtumbulia ndee ukaghamba, ‘Zighana miaka yose ihi nakudumikia na jingi sikosere momu ghwako anduangi, ela jingi ndekuninekie hata ndaghina cheni nibonye maseko na waghenyi wapo.

LUKA 24:47

Mbari rose ripate kuchililwa kuhea na kulekwa kaung'a rawo kwa irina jake kuzoya Jerusalemu.

LUKA 5:30

Mafarisayo na walimu wa Sharia wikawizughunukia wanughi wake wikighamba, “Kwaki mjagha chiaimweri na wawadi wushuru na wakaung'a?”

LUKA 7:39

Uja Mfarisayo oremkaribishireghe uendawona huwo, ukaghamba ngolonyi kwake, “Ngera loli mundu uhu odeeka mlodi, kumangu wamanya uhu nani, na ni muka ufwane wada uhu ummbwadagha angu uo ni mkaung'a.”

MABONYO GHA WADUMI 13:45

Ela iji Wayahudi wajiwona izungu ja wandu wikachulwa ni iriso, wikaghikana malagho gherekoghe ghikighorwa ni Paulo na kumdukana.

MABONYO GHA WADUMI 13:50

Ela Wayahudi wikawikumba sheshe waka wa mbari zima wa ishima, wimuobuagha Mlungu, na womi werekoghe vilongozi va muzi. Wikazoya kuwitirira Paulo na Barnaba, na kuwiwinga isangenyi kwawo.

MABONYO GHA WADUMI 14:19

Ela werechieghe Wayahudi wamu kufuma Antiokia na Ikonio, wikawighalusa wandu ngolo, wikawada kumlasa Paulo na magho; wikamkurudua shighadi ya muzi, wikighesha wei wameria kufwa.

MABONYO GHA WADUMI 14:2

Ela Wayahudi wiserumirie, wikawidemua wandu wa mbari zima na kuwibonya wizamilo ni wanidu.

WAROMA 10:19

Na sena niakotia, welee, Waisraeli ndeweretambukiloghe? Musa wazoe ukaghamba, “Nicham'bonya mmbwado ni iriso, ja awo wandu wiseko mbari; Nicham'bonya mjoko ni machu, kwa mbari isetambukilwagha.”

2 WAKORINTHO 5:20

Kwa wundu ugho, isi deeka wadumwa wa Kristo; na Mlungu waawuyamvoya inyo ukiditumia isi; nesi dikikaia wadumwa wa Kristo, damvoya inyo mpatanisho na Mlungu.

1 WATHESALONIKE 2:16

kwa kudighiria isi diseghore na wandu wa mbari zima, wichepata kukia; eri wipate kuchichura kipimo cha kaung'a rawo sa matuku ghose. Ela kutua, wamerie kuchelwa ni machu gha Mlungu.

1 SAMUELI 17:28

Nao Eliabu, uja mruna m'baa wa Daudi, ukamsikira Daudi ukidedanya na wandu, nao ukajokwa ni machu aighu ya Daudi, ukamzera, “Kwaseabonyaki aha? Rija ng'ondi ndinieri kwarisighanya nani kireti? Nakuichi seji kukudukie na seji kuzamilo ni ngolo; kwa kukaia kwaaredwa tu ni kuchawona wuda.”

1 SAMUELI 18:8

Sauli ukazamilwa na kuwawa nandighi kwa wundu ghwa agho madedo ghereborwagha, nao ukaghamba, “Kwa Daudi wiabora na kumneka maelfu ikumi na ini maelfu tu! Da niki chasigharika sena iseeka ni kuwusa ugho wuzuri?”