LUKA 15:2 - Biblia Ilagho Jiboie Kwa Wandu Wose

² Ela Mafarisayo na walimu wa Sharia wikazughunuka wikighamba, “Mundu uhu wadakaribisha wakaung'a na kujanya nawo.”

LUKA 15:2 ပူးပေါင်းရင်းမြစ်များ

MATHAYO 11:19

Mwana wa Mdamu orechieghe ukija ukinywa, nawo waghamba, ‘Mzighanenyi mundu wa lwafuo, mmbongeri na mghenyi wa wawadi wushuru na wakaung'a.’ Elaima sena ija hekima yanekwa hachi ni kazi raro.”

MATHAYO 9:11

Mafarisayo wiendawona agho wikawizera wanughi wake, “Kwaki Mwalimu onyu ujanyagha na wawadi wushuru na wakaung'a?”

LUKA 15:3

Jesu ukawighoria mfwano ughu:

LUKA 19:7

Wandu wose wiendawona agho wikamzughunukia wikighamba, “Mundu uhu wangia kukaia mghenyi wa mundu uko mkaung'a.”

LUKA 5:30

Mafarisayo na walimu wa Sharia wikawizughunukia wanughi wake wikighamba, “Kwaki mjagha chiaimweri na wawadi wushuru na wakaung'a?”

LUKA 7:34

Mwana wa Mdamu wachee ukija, ukinywa, nenyo mwaghamba, ‘Zighanenyi mundu wa lwafuo, mmbongeri, na mghenyi wa wawadi wushuru na wakaung'a.’

LUKA 7:39

Uja Mfarisayo oremkaribishireghe uendawona huwo, ukaghamba ngolonyi kwake, “Ngera loli mundu uhu odeeka mlodi, kumangu wamanya uhu nani, na ni muka ufwane wada uhu ummbwadagha angu uo ni mkaung'a.”

MABONYO GHA WADUMI 11:3

“Welee, kwaki kughendie kwa wandu wiseshamishiro, sena kukajanya nawo?”

WAGALATIA 2:12

Angu imbiri ya wandu wamu kucha kufuma kwa Jakobo, orekoghe ukijanya na wandu wa mbari zima; ela wiendacha, ukakuwunja nyuma na kukutanya nawo, kwa kuwiobua waja wandu wikundagha wandu wishamisho.

1 TIMOTHEO 1:15

Ilagho iji ni ja loli, najo jafwana kurumirilwa putu, kukaia Jesu orechieghe wurumwengunyi kukira wakaung'a; na wa imbiri wa awo wakaung'a ni ini moni;